其實，除左行行企企，阿布我仲會～瞓！😂 😂 😂（圖文不符）
《九十後領隊喜與悲》-【第十八回﹒領隊咪就係行行企企～】
呢次去台北四天，行程輕輕鬆鬆，殊不知遇上了一個對領隊呢份工有美好幻想嘅張生。四天以來佢完美地撻著左工作人員好多次。以下分享幾次令我冒火的畫面：
１）出發坐早機，我老早告別溫暖的床鋪，跑出去機場，編好晒全團團友嘅機位之時，我估唔到有團友嘅開場白會係咁……
張生：「領隊，你都好爽喎，打份風流工，免費去旅行。」
阿布：「其實都係打份工，不過工作地點流動d。我相信每份工都有佢嘅好處同難處嘅。」
張生：「超，你地咪就係行行企企……」
（領隊的工作絕對唔係行行企企咁簡單，小至點人數，大至陪團友入醫院，煩至酒店wifi上唔到等等，都係工作範圍之內。）
２）有一晚，係饒河街夜市，我同導遊排隊買左個胡椒餅黎食，食左兩啖，又遇上張先生。
張先生望望我地，招呼都唔打，向身旁的太太說：「你睇佢地兩個，我地俾錢黎旅行，佢地就免費黎嘆世界……」
我同導遊唯有微笑點頭咁極速走過。
（天呀，領隊導遊都會肚餓架！好多時食飯的時候，工作人員都要企定定等團友d餸菜上得差唔多的時候，先可以返埋位食飯。總之，工作人員永遠都要遲過你開飯，早過你食完啦。）
３）最後一日，返到香港等落飛機時，團友問我會搭咩車返屋企，張先生又發言了……
張先生：「仲使問嘅？佢就緊係搭的士啦！」
阿布：「點解張生會咁覺得嘅？」
張先生：「緊係啦，claim公司嘛！」
阿布：「其實無架，旅行社無claim的士呢回事，就算巴士錢都係要自己俾；甚至乎係當地的所有電話費，都係入自己數架……就連出發前打俾你地嘅電話，都係我私人電話黎。依家夜晚11點幾，收得工黎12點，返得屋企都唔知幾點……我聽日仲要咁岩無假放，所以份工都唔係真係咁風流……」
（哎呀，唔小心將心聲講左出黎。）
張先生聽罷，啞口無言望著我，四天以黎霸氣招積嘅樣唔見左，佢望住我嘅眼神仿佛話俾我聽，佢好似明白左d乜野咁。
落完機，係行李帶準備收工之時，張生特意行左黎同我握手道別。
（唔知點解佢對手嘅質感好古怪，望真d，阿布驚訝發現有張銀紙係中間）
張生：「頭先俾服務費未有散紙，依家俾返你。呢幾日見你都辛苦喇，當係夜市請你食胡椒餅啦。聽日返工加油，好好保重喇阿布，再見。」
阿布：「多謝！張生張太，祝你地身體健康，byebye!」
望住張生的背影，百般滋味在心頭。
前線員工，付出並不是要求額外的回報，只求尊重和諒解。今時今日嘅我，對唔同行業嘅前線員工都會特別客氣，因為我知道，係香港地，微笑背後大多是辛勞很辛勞非常辛勞的。
-----------------------------------------------
曾經，我以為只要滿懷熱誠就能自由自在地漫天翱翔，有一天便會飛得很高、很遠。
饒河夜市幾點開 在 [請益] 饒河夜市開到幾點？ - 看板Nangang 的推薦與評價
請問一下，
饒河夜市通常會開到幾點呢？
如果是凌晨1、2點去夜市的話 …
還有東西可以吃嗎 Q_____Q?
--
※ 發信站: 批踢踢實業坊(ptt.cc)
◆ From: 218.169.139.103
... <看更多>