🇹🇼葵廣台式風味小食店😻
-
葵廣就不嬲出名多小店，價錢貼地，吸引左唔少學生哥放左學都要去一去食嘢行下街咁👭 今次🍔特登由馬鞍山出發，幫大家試試最近新開同埋啲特色嘅小店😋 所以黎緊會係一系列葵廣特輯~ 講返依間最近開左冇耐嘅小食店，佢哋主打台式特色小食，有啲配搭係出面仲好難揾到添🤤
-
古早味腩肉刈包($18) 刈包又稱虎咬豬，係台灣傳統小食之一😍 出面白色扁扁嘅係蒸饅頭，咬落十分軟熟~ 入面嘅主角就係超邪惡嘅豬腩肉🐷 煮得好入味之餘，仲有入口即溶嘅感覺，油香味十足！配埋菜脯，生菜同酸蘿蔔，大大減低油膩感。間唔中仲會食到啲花生粒添！
辣芝滋軟腳蟹饅頭($32) 依個簡直係🍔嘅大愛！外面嘅饅頭炸得十分鬆脆，入面仲有原隻軟殻蟹，上面加埋辣嘅蛋黃醬，食落好惹味♥️ 佢仲有唔同配搭選擇，例如鰻魚，香酥雞等~
一兜薯花($25) 有三種醬汁可以選擇，包括日式燒汁，黑松露醬同辣茄起士。今次試嘅係芝士蕃茄醬🍅，醬汁偏酸帶微辣，薯花味道就一般，偏淋身。
青蛙下蛋🐸 下面係黑糖蒟蒻，上面就係一粒粒嘅亞麻籽，加埋檸檬汁，酸酸甜甜幾清新🍋 係偏甜左少少
-
刈Bao台式創意小食 (葵芳)
葵芳葵富路7號葵涌廣場3樓TOP世界3069-T26&T27號舖 @ 葵芳葵涌廣場
饅頭蛙價錢 在 『散疣短頭蛙』又稱饅頭蛙 - Facebook 的推薦與評價
【 世界數一數二療癒系『散疣短頭蛙』又稱饅頭蛙為您引進～ 數量眾多供您親選】 品種：饅頭蛙(散疣短頭蛙) Breviceps adspersus 尺寸：約3.4-4.5 ... 請問價錢謝謝. ... <看更多>