關於 靚 魚肉 釀 尖 椒 ，我們在網路上蒐集到這些相關的討論、資訊與評價

成日都經過尖沙咀" 1881 Heritage"，
今日終於有機會入去影下相，呢到夜晚個景
真係無敵呀！最主要係今次黎呢間"梵高"主題餐廳
一睹其精彩既作品同魅力。係門口已經感覺到獨特
同別緻藝術氣息，鋪頭裡有好多款以梵高主題既精品，
牆上掛住LED屏幕，不斷轉播住梵高作品，
環境絕對最大賣點，絕對適合慢慢欣賞呀！👇
-
📌The Harvest - $680/Head
佢地既Seasonal Menu簡約唔複雜，
以4-Course做基礎，我同朋友分別嗌2左個Course，
可以一嚐兩個Main Dish既體驗！
-
♦ Tuna-Scallop Ceviche
▪ Serrano Pepper
▪ Yuzu Soy Sauce
▫ 冷盤前菜夠哂睇頭，嫩滑既帶子加埋吞拿魚碎，
當中用左檸檬既精華加強鮮味，聖納羅辣椒同柚子醬汁
兩種配搭恰到好處，底部仲有新鮮蕃茄粒同青瓜粒，
每樣配菜各施各法，夾埋一齊食就相當清新啦！
-
♦Sweet Corn
▪ Sweet Corn Cream Soup
▪ Crispy Crab Claw
▫ 驚喜點可能比佢停呀！呢個涼黃色既北海道
粟米忌廉湯，我就非常滿意啦！Staff會即埸將新鮮既
熱湯倒入湯碟，呢個時侯當然要預備相機啦，
個湯既質感香滑清甜，配埋青瓜卷、乾花同即炸蟹鉗，
整體真係靚到好似一幅畫咁！
-
♦Quail Breast (Either-or)
▪ Roasted Quail Breast
▪ Leg Parcel
▪ Artichoke Cream
▫ 特別在於有鵪鶉胸咁特別既菜式，
係香港真係少有，其實肉質食落係好似乳鴿，
外皮煎到好甘香香脆，肉味係相當濃郁，底下有個焗批，
入面釀左都係鵪鶉腿肉，呢個幾有諗頭，好味又特別！
-
♦French Brill (Either-or)
▪ Pan Seared French Brill
▪ Grilled Octopus
▪ Chorizo
▪ Salsa Verde
▫ 另一主菜就係香煎法國比目魚，雪白既魚香加上
香脆魚皮，魚肉緊密有彈性，味道香甜無得輸呀，
燒章魚片好有咬口，西班牙辣肉腸粒又夠鹹香，
配埋意大利青醬，成件事完全無違和感！食得過！
-
♦Pineapple Panna Cotta
▪ Coconut Sponge Cake
▪ Coconut Foam
▫ 點可能無甜品做結尾呀？！呢個意式奶凍先用
菠蘿切片卷住奶凍做個外形，再加埋椰子海綿蛋糕同
生果做配搭，味道甜而不膩，仲好重椰子香tim，
旁邊仲有椰子做既泡沫，酸酸甜甜，好睇又好食！
-
▪ Sunflower Bouquet
▫ 平時我好少飲果茶，不過聽講呢到好出名，
咁就要試下啦！以辣木葉，蜜樹茶，檸檬草配上芒果
蜜餞做調味，茶香醇清膩，唔錯!

▪ Brûlée Latte
▫ 同Crème brûlée做法相似，以火槍燒到面層焦脆，
焦糖帶甜中和咖啡本身既苦澀味，但牛奶既香滑亦不失！
整體今晚係一個完美既體驗，又加強左自己既藝術觸感，難得難得！
-
📍 Van Gogh SENSES
🎈尖沙咀廣東道2A號1881 2樓208號舖

扮靚小姐cooking之路👩🏻‍🍳～尖椒讓鮻魚肉

今次要特別鳴謝我個仔😆
（即係我家姐個仔），尖椒係佢全人手種植，Organic食品，平均分配之後我只係得幾隻😂，所以魚肉係有剩，咁就用嚟煎魚餅啦，好好味🤤

材料：
尖椒、$10魚肉、$5豬肉碎
生抽1湯匙，少許鹽

做法：
1）鮻魚肉+豬肉碎+生抽和鹽，全部拌勻

2）將尖椒切開兩邊後撲上生粉，釀上鯪魚肉，再係面加生粉

3）煎至兩邊金黃熟透後，完成
（唔知熟唔熟，最後可蓋上煲蓋息火，用餘溫去令佢至熟透）

❤️我地扮靚小姐Facial Workshop
秉承簡單清晰收費，用心服務為宗旨

車仔麵，又稱嗱渣麵，香港地道飲食文化核心之一，相信大部分人都不會反對吧？！車仔麵的由來，應該是以前的熟食小販在街頭推着木頭車，販賣著熱辣辣的湯麵而得名的，當時佐麵的餸菜不外乎牛腩碎、豬皮、豬紅、齋、魚蛋及青菜，任君配搭，價錢亦相宜，所以成為學生或打工仔的日常美食選擇之一。

隨着時代的變遷，以前街頭巷尾的熟食小販已被法例所禁止，而大多數已入舖繼續經營，麵食餸菜也變得多元化，汰弱留强下亦有很多已打出名堂，如西灣河的超級無敵多餸，銅鑼灣的勁辣醬，灣仔的原味靚湯等，而最近有一位在尖沙咀一帶搵食的朋友就介紹筆者試了一間不一樣的嗱渣麵。

這間車仔麵位處近尖東一帶，是去紅隧口搭隧巴的必經之路，但平時筆者經過多數只是篤串魚蛋，食串燒賣，還記得以前最喜歡食那裡的鹵水生腸，生腸串得密密麻麻份量頗多，放入鹵水汁略略淥一下才端上來，熱熱的爽脆入味！但就從未試過入內食車仔麵，想不到今次反而是由朋友帶路來獻出第一次......

店内環境較狹窄，座位亦不算多，但尚算整潔，比起一般的地道街坊車仔檔已好多了，打開餐牌望望，真的讓筆者大開眼界，點餸紙足有四十多款餸菜，除了一般的魚蛋豬皮外，想不到連花膠扒、姬松茸、海南雞、豬軟骨、黑毛豬叉燒和黑松露煎蛋都有得揀，全部十多元有交易，就連麵食也有多達十款選擇，湯底亦有六款之多，不看環境還會以為去了什麼大餐廳用饍，筆者見到這麼多誘惑，價錢又不太高，劃下劃下不知不覺點到成枱都是餸，自己也覺誇張尷尬，唯有盡力吃清不浪費啦。

餸菜一一的端上來，筆者很欣賞店家的貼心，車仔餸大部分都是以小碟分開上枱，不會大雜燴般全放在湯麵中，讓客人能嚐到每樣菜式的真味。

紅燒花膠扒，花膠扒剪成3件上碟，大大塊很有睇頭，咬落煙韌入味 ，膠質滿滿，$18件實在是超值，食完很有幸福感。

黑松露煎蛋，煎得圓圓半熟的太陽蛋放上黑松露醬，雖然做法簡單，口感卻異常嫩滑，黑松露醬份量頗足，那獨特的香氣撞上蛋黃的濃厚，滿腔馥郁，實在是最佳配搭。

黑毛豬叉燒，外觀燒得焦香，雖不是傳統的半肥瘦模樣，望落肉質有點偏瘦，但其實入口肉汁充盈，肉味香濃，口感鬆化，甜蜜入味，很有驚喜。

鹿兒島豬軟骨，豬軟骨炆得軟腍入味，咬落感覺入口即溶，醬汁帶點果香很濃郁，少許酸甜的味道幫助減去了點點油膩感，好味。

九轉大腸，做法頗複雜的一道功夫菜，大腸一層一層穿起，經水煮熟油炸至乾身，最後調味炆至軟身，而這店做的算是簡化版，口感沒有傳统的煙韌實在，但勝在調味巧手，入口沒有羶味，醬香濃厚， 仍算不錯。

墨魚煎餅，質感QQ， 墨魚味香濃，脆香可口，但略欠彈牙口感。

海南切雞，份量不少，皮爽鮮香，略欠軟滑，但配上酸辣醬汁仍相當惹味，性價比高。

串炸豬大腸，經滷過炸脆，皮酥香口，唯略欠脂香。

口水雞中翼，麻辣醬濃中帶甜，灑上芝麻後入口麻辣爽香，味道不錯。

九轉茄子肉，蒸軟了的茄子拌上自家調製醬汁，濃中有清。

汁燒姬松茸，鮮味十足，爽脆軟滑。

還有酸甜魚肉炸雲吞，麻辣咖喱魚蛋及煎釀虎皮尖椒。

提到車仔麵，又怎可不介紹一下麵食呢？

筆者點了外邊麵檔少有的極品手打烏冬，想不到一點都不是交行貨，烏冬入口軟滑彈牙，配上牛腩汁湯，惹味濃香，確是粗幼麵河粉外的另一好選擇。

飲品方面，有凍紅肉蕃石榴汁和凍韓國黑糖小黃薑茶。

想不到在這店吃車仔麵，竟帶來如此意想不到的驚喜，在街頭麵食中加入了高檔食材的新元素，收費亦十分合理，而小店更特別地表明絶不使用味精，只求食物原味，作為對食客的承諾，可見店主除了大膽創新外，還有那份對食物質素的執著，如此有誠意的車仔麵小店，難怪能在尖東這競爭激烈的地段屹立這麼多個年頭，朋友仔這次的好介紹，果然真是不一樣啊！