【1月1奇遇】
話說我尋晚十二點幾先熄機收工，
到兩點幾，滑嘟嘟想開電腦嚟用一用，
發覺開機完全無反應。
因為唔識整電腦所以就算拆開咗機箱都做唔到啲乜亦唔敢做啲乜，
大佬，身家性命財產都喺晒度㗎喂。
搞到凌晨四點幾，
滑嘟嘟上網搵到一位電腦師傅，
啲宣傳圖好鬼長輩圖feel，
佢寫話24小時即叫即到風雨無休咁撚樣，
所以就whatsapp咗佢諗住博一博，
預撚咗佢會開我天價呃鳩我我就可以死咗條心砌過部機。
記住嗰陣係凌晨四點幾，
佢竟然即刻覆我，
話最快轉頭八、九點可以上嚟整，
我心諗「黐撚線㗎，唔撚使瞓㗎你師傅？」
佢按我約佢嘅十點鐘準時嚟到，
check咗一輪話我知係死咗火牛，
仲帶埋隻新嘅嚟同我換，
報我價HK$1050，
我以為HK$1050仲要加乜嘢人工、檢查費、上門費等等，
點知佢話HK$1050全包，
我心諗「黐撚線㗎，咁撚快整好仲要紅日上門包埋隻牛先一叉嘢？」
佢整好嘅同時，
我同佢講我部機都用咗幾年，
我問佢我要唔要買啲乜嘢嚟upgrade或者砌過部，
佢話唔撚使仲用得唔好嘥啲咁嘅錢upgrade勁咗幾%嘅體驗。
我問佢幫唔幫人set-up NAS我係唔係有需要屌返部，
佢話唔撚使以我嘅需要用HDD已經好夠仲安全啲。
畀HK$1,100佢叫佢唔使找都搶住話有散紙，
講多幾講佢先肯唔找錢畀我。
我心諗「黐撚線㗎，call上門維修竟然無畀人呃，我係唔係真係無畀人呃呀？」
#自費 #非廣告
