#在日落前交換日記
插畫: 妙奶雜貨店 (IG：milkluenchi)
俗語有云，七年之癢，七年之間，我哋可以去好多好多次旅行，去咗好多轉清邁，按到幾百次摩，發展到好多段異地戀情，我哋呢位朋友可以追住去泰國搵返佢心愛嘅阿紅，同呢位司機相聚分離三四次最後結埋婚，生埋個混血兒，然之後移民去泰國離開香港呢個是非之地，啲時間仲有餘有剩；而喺你去咗泰國嘅呢幾日，係我過緊我嘅日常生活，返工放工休息返工放工休息呀呢幾日，就有一心為呢個社會尋找未來嘅年輕人被沒收左七年嘅人生，六年、七年之後會一身輕咁返嚟。
抽一抽身為寫日記嘅心理掙扎嚟個自白：
我都有掙扎過好唔好喺日記再講呢件事，有乜嘢都喺Facebook IG講晒，應該有人會覺得好煩。
日記係比我哋分享下我哋嘅日常生活同幻想世界，夾硬拉啲社會議題嚟講又真係太夾硬，但係我發現，呢兩日無論我見到啲咩，聽到啲咩，最後link up 到嘅都係呢六年、七年，冇咗咁多年，我嘅人生會變成點呢？
我只可以話我係垃圾，我冇咁嘅決心為咗一啲唔識感謝或者善用自己嘅犠牲嘅人群去犠牲，我仍然係會想去旅行，想同朋友玩，想老屈朋友同司機發展愛情故事，所以我只可以道歉同講多謝，同盡情帶住良心謹守崗位。
但係有時我都會諗，我喺呢個崗位，究竟仲可以做到啲咩呢？
我唔識計呀，你話我知吖⋯⋯
香港仔 Oscar
阿紅道歉 在 阿紅RedKai - 對於最近的風波， 我想可能是我在直播時說的 ... 的推薦與評價
我也不懂為什麼要道歉，標題誇大又怎麼樣，喜歡就看，不喜歡就不看就好，我不是每部影片都會看，但阿紅的影片有時讓我卡住的思維得到解套的幫助，也讓我得知一些好用的 ... ... <看更多>