ViuTV《調教你MIRROR》第三集終於嚟料～「Be a better MIRROR」
～ViuTV基本上係個「整蠱台」，不論MIRROR同ERROR，一見到劇組，自然反應就係提防被整蠱，相當一致，所以頭兩集12位MIRROR成員都充滿戒心，大家都以為玩緊《MIRROR go》，頭兩集基本上是令他們放低自衛機制，放鬆下來，才能真正接受調教。
～ 大家一向睇開MIRROR唱歌、跳舞、玩遊戲同拍劇，見到他們表演與娛樂一面，今個節目是要將他們真實的一面，甚至包括性格上的問題，兌現觀眾眼前，好似第三集講到Ian性格內向，愈來愈保護自己的情況，大家平時看MIRROR的綜藝節目同劇集，一定看不到這一面，而今次透過一位女粉絲的口，講出她對Ian的觀察，亦是一個舒服的方式，令Ian易於講出內心感受，Ian能否達成花姐期望打開心扉，透過今集，看來已經開到條門隙了。
～ Edan被爆加入MIRROR，本來只是個陪襯角色，不過，看來他把握到機會，由陪襯升呢成主要角色之一，有賀歲片拍，起碼證明他有喜劇天分。見到其他成員怕同佢一間房，好想劇組影下間房實況，等大家知道因由！
～ 地獄三廚神那段幾得意，亦有合作成功感，阿姜大廚好投入呀。
～ 呢個節目的重點，當然係商業考慮，利用MIRROR人氣吸引更多觀眾，增加收視同增加收入，這個正常不過。可是，花姐亦有用心，希望透過今次集訓營，令MIRROR 12子無忘初衷，目標當然是想這個團隊走得更久更遠。有留意樂隊新聞都知，發展到某個階段，一些最紅的成員，往往會獨立發展，謀求最大經濟利益，MIRROR會否這樣發展？起碼目前唔會，上紅館開多幾場演唱會先啦！
～ 兩台競爭開始白熱化，雙方的支持者也開始互相攻訐，未必是壞事，當年譚詠麟 vs 張國榮，梅艷芳 vs 陳慧嫻，四大天王支持者互相「問候」，麗的劇集收視追到無綫收視四成時，也有兩台粉絲力撐自己的台最好，這個充滿爭吵的年代，也是香港娛樂圈全盛時期，目前的兩台競爭，只會擴大觀眾群，有利無弊，如果「開電視」有本事做到三台鼎立，咁當然更好！
～ 副經理成日重複ViuTV節目偏鋒，收視唔高，只配做J2對手，不過唔需要駁佢，因為廣告商支持邊個節目已經說明一切，如果MIRROR無人睇，點會搵阿Jer拍廣告，兼做埋贊助商吖！與其打咀炮踩低人，不如努力做好節目啦！
#ViuTV #調教你的MIRROR #MIRROR #梁祖堯
阿姜 在 何來阿姜查｜導讀全集 - YouTube 的推薦與評價
阿姜 查 是泰國近代公認的#阿羅漢也就是 脫離生死輪迴的聖者# 阿姜 在泰文是老師的意思顯示信徒對其的尊崇 《何來 阿姜 查》為 阿姜 查說法的語錄合輯不僅 ... ... <看更多>