足球係一個對抗性運動係人都知，但好多朋友有近視散光，但想踢波，帶一般眼鏡係一件極度危險嘅事，事關食中波餅，眼鏡爆左都仲可以配過副，但啲碎片入眼就可能致盲，所以好多嘅朋友會帶隱形眼鏡，但唔係個個朋友都帶到。
因為可能對眼唔習慣有啲野，又或者度數及種種原因未能帶到，或者你可以配番副運動眼鏡。運動眼鏡比一般眼鏡除左物料冇咁易爆，有條彈性帶固定住。除此之外運動眼鏡鏡框設有防撞軟墊，當不幸食波餅嘅時候，吸收撞擊力，減低被壓傷嘅機會。
因為香港業餘聯賽都禁止配帶眼鏡作賽，但運動眼鏡要事先向賽會申請，正常運動眼睛要先交由賽會覆核，判斷眼鏡唔會對自己及其他人構成危險，會出一張證明比持有人，到比賽時攜同該證明書比球證，先可以獲準出賽。
而聽聞一副運動眼鏡都要二千蚊起，但對於一個鐘意踢波，又帶唔到隱形眼鏡嘅朋友係絕對值得嘅投資黎。而運動眼鏡相比一般係較難搵。所以版主搵左幾間比各位參考一下，價錢就要同眼鏡公司查詢。
https://www.eye.hk/centrostyle…
https://www.progearvisionlab.com/%E9%81%8B%E5%8B%95%E7%9C…/…
希望幫到一班鐘意踢波又佩戴唔到隱形眼鏡嘅朋友。
記得唔好帶一般眼鏡踢波，真係好危險架
