米媽其實從來都沒有當米米是小朋友。尊重佢。
但每次都會選擇蹲下身，從她的水平去看世界。
小學一年級，原本想說要幫她執書包或是看手冊一段時間。
想不到第二天時已跟米媽說不用，她自己執好，但我可以幫她檢查一下。
小學一年級，未試過要米媽叫起床，米米永遠是最早起身的一個自己刷完牙換好衫後叫姐姐起床，叫米媽起床。
米媽想說不用太早起床，6:15已很充裕。 她永遠要悄悄的將鬧鐘⏰較到5:55分。最後一段日子後，米媽都尊重米米。她說，她就是想早產起身。這個是她的性格。
米媽常與米米討論，責任及分工。
不同角色的責任及分工。
用她的語言，用例子，用日常習慣去具體化。
小一上學期，米媽陪溫習，陪考試溫習，因為從中要教她技巧及答錯的勇氣，溫習的技巧，以及溫習的計劃時間表等等。永遠沒有百分百的試卷，再加上臨場發揮，這些都要教曉米米到臨場時，自己的自信心，心情，以及沈著地去思考。 米媽覺得比起溫左幾多書落肚，這些會比較重要。
米米有時答錯返黎米媽會大讚，因為佢唔記得左或唔識都會選擇去嘗試去撞。以後我地再檢查，係咪可以溫多兩次成為真正既知識就唔會唔記得。
下學期初，米媽問米米， 你想唔想試下自己溫習去準備默書測驗考試。
佢話可以試下既。 駛唔駛媽咪陪係隔離？
佢話：唔駛，你做你野，我做我既，我唔識先問你。
於是，開始分工了，佢盡佢既責任，我做媽咪既責任。
有次測驗派完回來7字頭（米米平時95以上）
米米話好差呀，
米媽話，係咪好難呀，
米：係呀。但我有答曬。
米媽：咁好好呀。好叻呀，你靠你既能力去做曬，媽咪好為你自豪，叻女。
米媽：我地不如睇下你錯左啲咩，我地溫返多啲下次你就識。好唔好？
米媽經常問佢，你今日有咩計劃，佢會話咁咁咁。
米媽就會話，如果我係你，我就會選擇先咁咁咁，之後再咁咁咁。你覺得咁會唔會好啲？
米米會諗下。
無論佢最後決定咩，我都會尊重米米既決定，話咁之後你決定咁既話，就有機會會有咁既結果出現。 米米話無問題時，米媽通常都尊重，等之後結果時，不責備。 再慢慢問下，下次再咁既話，係咪好似之前咁做會好啲。咁我地下次就識得揀喇。
米媽俾左本薄米米，同米米講，媽咪好中意寫日記。不我地都去揀本你中意既薄。你想寫咩都得。
後來，發現米米最喜歡計劃自己既時間表，同埋畫畫。
米米生活佢好有主見，可能已經係生活習慣。
先做工作後玩係米媽一直灌輸的。
放學返黎，先食飯休息一陣做功課/興趣班既功課，之後全日都可以自由玩。
米米曾經試過先玩後讀。
最後夜晚訓時先做功課。搞到第二日好攰。果晚無話佢。 第二日放學返黎時先討論，問佢咁樣覺唔覺得成日都浪費左好攰。
米媽亦經常叫米米諗下。反轉思維。
一日24小時，10小時訓覺既。
你平均溫書做功課幾耐？
1小時
咁玩呢？
…
有無4小時？
有
咁呀。
你覺得你讀書時間同玩既時間邊個多啲？
玩既時間多？
既然讀既時間咁少？
我哋係咪要係果1小時內專心搞掂佢，咁自然可以玩耐啲？
定你諗下？
想1小時玩，4小時讀書？
其實問得多俾小朋友去諗，佢地就會明白了。
每次測驗考試，只定下最多2小時溫習，夠鐘就停，溫唔曬都一樣。因為係平日的，唔係前一晚的臨急抱拂腳。 米米成日會話？真架！唔溫喇？
係呀！仲溫！
盡力左架喇
以上係米媽與米米日常
好耐無分享了，有些離亂。
米媽覺得
玩時要投入玩
玩得多先會專心
讀時要專心讀
以及信任你的小朋友
分數輸得起
但不要責備小朋友，令小朋友對讀書有壓力對分數有壓力
自信心以及對讀書的興趣主導一切
以後仲有十幾年要讀，如果一開始就打沉左佢地，佢地以後讀書會好痛苦。
開始分工 在 杰司，難搞- 一開始美好的以為會分工合作到最後覺得乾脆 ... 的推薦與評價
一開始美好的以為會分工合作到最後覺得乾脆自己來比較快. ... <看更多>