【識食之人】
生日第二餐,好友book左間鐵板燒餐廳,其實有點擔心,因為曾經係香港同九龍區食鐵板燒都GG收場。。。唉。。。
點左龍蝦和牛套餐,一黎到就有沙律同明太子紫薯,沙律新鮮清爽,芝麻經炒過,好香好開胃,紫薯有點淡,師父話全天然,所以味道略淡係應該。
西京銀雪魚@皮脆肉嫩,醬汁帶甜酸,雖然有骨,但個種味道,個種經火灸後散發既魚香,好好食呀！
海膽汁活龍蝦@新鮮龍蝦,即叫即劏，配上海膽同龍蝦膏既汁，龍蝦爽口,彈牙,配上淡淡海膽同蝦膏味道,好食到停唔到口！
鹿兒島A5和牛@可選擇厚燒或薄燒,我當然選厚燒啦，夠口感呀麻,本應選五成熟,不過都係問一下師父先,師父話呢d係新鮮和牛,食生d就算刺身都完全冇問題,交比師父揸旗,和牛油香豐富,淋滑程度係會冼入喉嚨咁,不過咁豐富油份既和牛,食左幾舊會feel到有d滯呢。
清湯係用龍蝦加上蔬菜煮成,睇落似清水,飲落有淡淡海鮮同蔬菜甜味。
估唔到係鐵板燒食既炒飯都可以咁出色,粒粒飯都分明,乾身,每淡都有蛋味同配料味道,正！
甜品係燒黑芝麻丸子,外層微脆,內有好香黑芝麻,完美一餐就係度劃上句號。
銅鑼灣 鐵人旨花
