🐰🍓一文睇哂多個農莊的特點 想去邊個任君選擇
🌟註：疫情期間開放時間或有變，也有些關閉bbq，記得出發前double confirm 。另外農莊收費也可能因假期有變動，以下是我最近去時收費供參巧。
🐣錦田鄉村俱樂部
🎈n個超級大草地，香港大到可放風箏的農莊不多吧
🎈基本上大到永遠不會覺得人多
🎈有得擇士多啤梨🍓🍓🍓、粟米等，擇完大把地方俾你有社交距離地即刻食
🎈可bbq
收費：免費入場，設施逐項收費，幼兒滑梯免費。
薯媽實評：我好鐘意呢度因為點跑都唔會撞到人，爸媽們可以放心傾計😂，仲可以餵下小動物同玩下電動車，雖然玩意不多但其實大草地夠哂玩架，我都係去左n次先發現動物同電動車，証明大草地幾好玩。
🐣小白兔音樂農莊
獨特之處
🎈有繩網陣和長滑梯，可以練練膽
🎈可露營
🎈兔子和龜不是困在籠中，所以可以抱兔子和摸摸它們
收費：成人閒日$60，假日$90。小童閒日$90，假日$130。3歲下免費（需預約）
薯媽實評：地點比較偏僻，需自駕或的士。吸引我之處是繩網陣，因去得太多農莊都想找些特別東西玩。不過農莊地方不大，設施有些少舊。個人認為小童票稍貴，如果是接近三歲可以去玩下繩網😂或者直接去露營比較抵玩。
🐣開心花園農莊
🎈近大棠，可順便睇楓葉
🎈輕鐵接駁巴士可到，算是交通ok
🎈麻雀雖小、五臟俱全，有動物有沙池有幼兒車仔
🎈有bbq
🎈可擇士多啤梨🍓🍓🍓
🎈大片菜園並有自家種的多款蔬菜出售，可讓小朋友認識不同蔬果。我在疫情中都幫襯過送到樓下服務😂
收費： 1歲以上大小同價$40
薯媽實評：呢度比較適合幼兒，有好多幼兒遊樂設施如特別的千秋、氹氹轉、滑梯等，我上次來就碰到幼稚園來旅行。農莊打理頗為整潔。有些小木屋打卡位。
🐣天水圍綠田園
獨特之處
🎈有滑草
🎈有水上單車，個湖都好大下
🎈有bbq
🎈多種電動車碰碰車之類，還有手搖船
收費：免費入場，設施逐項收費。
薯媽實評：免入場費有免入場費的好，因為我都入過去幾次運吉睇岩邊樣玩邊樣，不過小心荷包，不能自制的也有可能埋單貴過門票農莊的啊😂 設施有點舊但勝在有別家無的玩意如滑草和水上單車。呢度地方頗大，但玩意也很多所以沒有地方讓幼兒跑動，設施稍舊。
🐣流浮山繽紛世界
獨特之處
🎈有手搖船、電動車、挖土機、泡泡足球的有波波、大量遊樂設施
🎈戶外波波池（疫情前），見工作人員細心地清潔，好安心
🎈有花花隧道、草地等靚靚打卡位
🎈夏天有大型吹氣泳池滑梯等，超好玩
🎈有得bbq（另付費）
收費：入場費$30，全日任玩套票$180。所以如果小孩夠大不用陪玩（如手搖船）就可以小朋友買套票大人只付入場費。
薯媽實評：呢個農莊帶俾我好大驚喜，因是2018年開業所以設施新淨。我是閒日到訪所以好多平時要收費的項目無人排任玩，單是電動車我就玩了半小時（其他農莊大概是$50/10分鐘吧），非常開心！
🐣448農莊
獨特之處
🎈有架紅色雙層巴士打卡
🎈假日有live band 和互動遊戲，新年有舞獅，幾有氣氛
🎈有沙池，長滑梯，電動車
🎈可order土窰雞，一班人去玩同食幾好
收費: 閒日$50，假日$100，3歳以下免費
薯媽實評：節日去好有氣氛，不過地點比較偏遠，要自駕或的士。不過農莊主人好有heart，農莊草地同花田等打理得好靚，乾淨整潔！
🐣菠蘿園
獨特之處
🎈交通方便，只需在錦上路走5分鐘便到
🎈有羊駝🦙、菠蘿、沙池
收費：成人$150，滿3歲小童$100
薯媽實評：如果未睇過羊駝都可以一去，不過親親羊駝要額外收費$60，本身入場費已$150所以我選擇了在圍欄外看看。
如果大家去過邊個農莊好玩，歡迎留言話我知，大家交流一下啊😄
錦田鄉村俱樂部露營 在 風車農莊Garden Green - Facebook 的推薦與評價
(綠園Garden Green風車農莊)位於錦田西鐵站踏行20分鐘.鄰近錦田鄉村俱樂部，環繞整個錦田市之治河路單車徑，4萬7千呎大草地裝修優雅3000呎會所適合私人聚會⚘️⚘️ ... <看更多>