全港最好食 西班牙紅蝦🦐 沒有之一。
介紹下今日嘅餐廳主角就係Petrus🌟 環境走古典宮廷式路線🇫🇷 菜式相反地keep住革新，造就2020就重奪米芝蓮一星🥳 當然就係背後功臣Chef Uwe & Romain👨🏼🍳 亦都係佢哋先食到一隻好食到係唔想share、想再encore嘅紅蝦🦐
.
晚市餐單主要係預設好嘅Signature Menu或者任選嘅3-5個Course，樣樣都想試就當然揀咗自己喜歡嘅4-course，盛恵 $1,488/pp。未開始前菜，嚟咗個Amuse Bouche先。咁得意成舊石春咁嘅😂😂 食唔食得㗎？Oh食入口原來係三文魚嚟嘅，Surprise到我🤣
.
前菜到了我哋分別點選咗King Crab (圖1)🦀 同白蘆筍 (圖2)😌 King Crab一上枱wow😍 因為靚到唔捨得食，成個花園咁🪴💐 食落又有陣薄荷味refresh🍃 而白蘆筍不時不食，鮮甜度爆燈🈵 配上魚子醬仲有煙燻鰻魚，無諗過法國菜見到鰻魚切粒出現。
.
第二道當然係招牌西班牙紅蝦 (+$288)🦐 (圖4) 以及鮑魚 (圖5)。紅蝦size可謂Jumbo，全港得呢度供應，係大過隻手掌🖐️ 就咁烤已經好鮮美。蝦頭超巨型，咇出嚟嘅蝦膏係金黃色湧出來，濃郁到沾麵包去食係唔夠麵包嗰隻好食🥯 旁邊嘅黑色醬係3款蝦製成嘅蝦醬再將蝦味升級😚😚 鮑魚件事都係靚，切片灑上椰菜花增添口感。
.
主菜就喺海鮮同肉類之選🐑 羊肉成卷狀，伴以雅枝竹同Gnocchi😚 稍稍覺得主菜相對地平淡，驚喜跌咗watt但唔係差。最後甜品都不遑多讓，吃了士多啤梨造型嘅白朱古力以及橙味朱古力梳乎厘，少有地法國嘅甜品覺得對我來講甜度啱啱好，有造型有味道👍🏻👍🏻
.
最後一點想highlight嘅係Wine Pairing，成餐飯Pair得好好，而且Sommelier介紹得仔細，上咗堂課咁📚 所挑選嘅酒亦有偏門少見嘅細酒莊，除咗配合菜式味道亦會因應天氣溫度去人性化配酒。當晚仲有幸試到支12L咁大嘅紅酒🍷 好似display咁大要捧住去倒，風味又同普通750mL好唔同，體驗幾驚喜。
.
整體食物質素係滿意，紅蝦絕對係當晚焦點所在，價錢3-5 Course去選擇豐儉由人，亦算係合理fine dine價錢，值得嚟試吓！(好食指數:9/10)
.
珀翠餐廳
金鐘金鐘道88號太古廣場二座港島香格里拉酒店56樓
#金鐘foodsearchers #法國菜foodsearchers #酒店foodsearchers #foodsearcherssp #FS米芝蓮系列
金鐘foodsearchers 在 #金鐘foodsearchers - Explore | Facebook 的推薦與評價
呢個價錢仲包埋茶芥，$388 (自選4款) 同$488 (自選6款) for 2位用，五星級酒店嚟講，性價比超哂班 (好食指數:8/10) . 金葉庭. 金鐘金鐘道… See more. ... <看更多>