關於 酒仙醉雞卷 ，我們在網路上蒐集到這些相關的討論、資訊與評價

【元朗】以往有留意過關於小店嘅報導，家庭式經營，大廚退休前曾任職五星級酒店，餸菜標榜每日新鮮製作，親力親為，注重品質，家的味道。店名「鹵家」，除左鹵味，燒味亦頗受歡迎， 經常見到有人分享小店出品嘅食神叉燒。另有小食、涼菜等，最家常嘅相信係無味精住家老火靚湯。

街坊生意為主，午市燒味、客飯定價$45-74，白飯可轉粉麵，附送老火湯、凍飲加3蚊，價格合理；晚市亦唔貴，兩個燒味飯，甚至加上涼菜、小食，人均都係百多元，出品水準高，好生意係必然😀

👉 拍蒜青瓜 $30
👉 是日老火湯：霸皇花南北杏煲豬骨

👉 酒仙醉雞卷 $45
叉燒以外，最想試嘅就係醉雞卷，由於工序繁複、考功夫，坊間都唔算常見。醉雞卷以杞子點綴，賣相吸引，雞皮軟薄滑身，雞肉去骨，一啖可以放入口，食得更爽。厚薄均勻，肉質唔鞋，配上自家製醃料浸泡，帶清香酒味而不苦澀👍 不過肉本身嘅味道會比一般醉雞淡啲。

👉食神叉燒米粉 $56
黎到一定要試下小店嘅自家製叉燒，選配米粉，午市套餐附老火湯，呢個質素性價比唔錯😋叉燒厚切大片，焗至外層微微焦香，口感柔軟唔乾，蜜汁入味，名符其實，調味唔會過份濃。若然能夠再肥少少，更得我心。

👉梅子脆燒鴨 $68
燒鴨水準都相當唔錯，而且份量唔少。以芽菜墊底，稍為吸收略鹹嘅醬汁。外皮唔算好脆，但鴨肉香，口感滑嫩唔韌，甚有驚喜！
-
鹵家
地址：元朗教育路68號兆豐樓地下10號舖

Follow us:
Instagram: http://bit.ly/2g3ZtuS
Facebook: http://bit.ly/2gu1fIG
Blog: http://bit.ly/ywycarol
Contact us: mrmrsfoodhk@gmail.com

［香港 元朗］鹵水燒味成日食，不過 鹵家嘅鹵水燒味好有誠意，極力推薦！

晚市套餐$58-$76，有餸，有飯，有住家老火湯，是日 #老火湯 係 #蓮藕鱆魚花生眉豆湯，滋陰健脾，無落味精，出街都飲到靚湯係開心嘅！我哋點咗一個 #海蜇燻蹄 套餐，份量好多！

想試多啲可以點埋 #皇牌鴛鴦拼盤（$86），可以自選兩款肉類，包括：叉燒、豉油雞、燒鵝、鹵水鴨、鹽香雞等。我揀咗 #叉燒 同 #鹵水鴨，份量好足料！呢度嘅蜜汁叉燒好有水準，全部半肥瘦，外面燒得亮澤，少少焦香，入口鬆化，正呀！秘汁鹵家鴨好入味，我最欣賞個鹵水汁唔會太鹹，但如果醬汁嘅香料味道再突出少少就更好啦！

#酒仙醉雞卷 ($45)係另一道我好鍾意嘅小食，選用雞髀位置，肉質嫩滑，用雞皮卷住，食落帶有少少彈性。成個雞卷非常入味，酒香清醇，必試！

#脆皮炸乳鴿（$58)皮酥肉嫩，肉質唔會嚡口，有驚喜。
－－－
📍FOLLOW MY INSTAGRAM：https://www.instagram.com/missfoodies/
📚BLOG: https://mantung88.blogspot.hk

元朗-滷家(晚市）：蜜汁叉燒王餐（hk$76)、梅子脆燒鴨餐（$68）、酒仙醉雞卷（$45）、京蔥金錢肚（$40）
-
元朗小店掘到寶😁😁一句講哂，全部都好食！小店裝潢簡約舒服，主廚是退休五星級酒店燒味部大廚，食物出品令人期待，而價錢仍然貼地，套餐已連飯/麵+一大碗足料無味精靚湯！我去果日係栗子栗米豬腱湯，飲落清甜住家味好濃，簡直係我呢代無飯家庭既福音。
-
燒味比想象中大碟，擺盤精美，仲有大豆芽菜墊底。叉燒濃邊脆口，蜜汁色澤誘人，肉質鬆化，絕非一般燒味檔可比擬！梅子燒鴨有兩層，份量充足，皮帶梅子清香，啖啖肉而且嫩滑鬆化，一吃我已決定必再回頭。
-
小食價錢相宜，酒仙醉雞卷賣相吸引，啖啖肉，肉質不死實，酒香撲鼻，加埋杞子甜甜的，配搭得宜。至於京蔥金錢肚是我是晚既最愛，椒麻香氣突出，幼切的金錢肚條條粗幼相當，可見師傅刀工與功力深厚。小店仲提供多款其他燒味和小食，要加餸斬料一定再番黎試埋其他❤️
•---------------
🈵🈵🈵🈵🈵會encore！
---------------•
✅#nee_eat_yuenlong
鹵家 (元朗)
元朗教育路68號兆豐樓地下10及14號舖
-
㊙️希望小店長做長有
今晚年30，打算叫deliveroo送滷家食物去屋企作團年飯，醒唔起人地都要團年，3點打佯了！！豬年再戰😆！
.
.
#元朗美食 #燒味 #叉燒 #燒鴨 #飯堂 #小店 #元朗小店 #滷家 #食在元朗

元朗小店推介 - 鹵家 ｜星期日食咩好？EP#1 ｜Majorintravelling

上年嘅《元朗人食在元朗》深受大家歡迎，
喺度多謝大家嘅支持！

《星期日食咩好？》係我2019年嘅新系列，
因為我屋企差唔多每個星期日都會出街食飯
搵一間好嘅餐廳非常費心費時。
YouTube上有自助餐推介、放題推介、甜品推介，
但係就冇乜一家人食飯嘅推介。
所以我就諗：有個list就好啦

二來我都想支持下香港嘅小店，
如果屋企人無咩特別要求，我都會搵啲小店嚟食。
而家香港百物騰貴，
唔少小店嘅經營面對好多困難同激烈嘅競爭，
作為一個香港人我想支持多啲本地嘅店鋪，
所以都想利用我呢個細channel小小力量，
等大家知道我哋嘅社區有唔同小店同埋介紹下呢啲小店嘅食物。

呢個系列會以vlog嘅形式同大家分享下我哋星期日食嘅嘢，
一集就係一餐，可能係介紹一間餐廳、或者去街市買餸煮飯，
有嗰句講嗰句，好食就話好食，唔好食就唔介紹。

Filmed and edited by Antonia

#粵語youtuber #小店 #鹵家

-----------------------------------------------------------------------------------

?追蹤我們 ?

訂閱我們的頻道！➔ https://www.youtube.com/c/MajorinTrav...
Follow Our Instagram ➔ majorintravelling
Contact via Email ➔ majorintravellingYT@gmail.com

(Filmed edited by Antonia)

Thanks for watching!!!
謝謝你們的觀看跟支持:)

除了訂閱頻道外，旁邊的?也要按下喔~
這樣有新影片你就可以最快知道了:D

如果大家有D咩問題都可以係道分享下同問下，
希望我哋鐘意我嘅分享~

-------------------------------------------------------------------------------------
▼餐廳資料：
今日去嘅餐廳叫「鹵家」係一間賣燒味同鹵味既餐廳
我地都係收到email 先得知有哩間餐廳
相信佢係剛剛搬去哩個鋪位
之前係開係鄉中果邊 而家就腳好多
晚飯時間去到唔洗排隊 又唔係等位
食物價格唔貴
我地4個人叫左3個set dinner 2個小食同一個燒味拼盤
total 就449蚊 人均百零蚊到
食左好多野都合理


▼餐廳資料
地址：元朗教育路68號兆豐樓地下10及14號舖
交通方式：西鐵元朗站轉輕鐵，搭去康樂路向中旅社方向走大約十分鐘
https://www.openrice.com/zh/hongkong/r-%E9%B9%B5%E5%AE%B6-%E5%85%83%E6%9C%97-%E6%B8%AF%E5%BC%8F-%E7%87%92%E8%87%98-r601198

▼頭盔
我得到店家$250蚊嘅小小贊助
但呢個唔係一個廣告
誠實都係呢個channel嘅核心價值
係真係好食先會分享俾大家

▼推介菜式
【蜜汁叉燒王】
元朗數一數二好食嘅叉燒
絕對好食過美心或者太興
叉燒肉質鬆軟，肥瘦適中，個汁好好味！！！
底面啲芽菜索哂啲汁好好食
重點一啲都唔腥

【蒜汁豬頸肉】
凍盤，蒜汁好惹味
睇落好似好辣但其實係甜甜哋，一啲都唔辣
豬頸肉都大塊同埋唔韌
個汁用嚟撈飯一流

【Set Dinner】
配白飯同一碗湯，個湯好足料
媽咪一飲就飲得佢係老火湯，無味精
飲完都唔覺得頸渴
有住家湯嘅感覺

【鹵味拼盤】
好重花椒八角味
本身唔多鍾意食鹵味
成世人食過滷味次數屈指可數
媽咪就話佢鹵得唔錯，幾好食
特別係個鴨，佢話出面好多鴨滷到都好嚡
相反地，呢個不但入味，仲好juicy同唔霉

我最欣賞鴨、滷豆腐同滷大腸
雞翼都好食，但係火速俾佢地KO咗，我都想食TT

【小食】
酒仙醉雞卷好食 ！！！！！！！！！
雖然我唔飲酒，但好鐘意用酒嚟調味嘅食物
酒仙醉雞卷好香酒味同唔嗆鼻，雞新鮮，價錢又唔貴
凍凍哋都好開胃

海蜇都好爽口好好食:

呢間係絕對會encore嘅一間餐廳
等緊小學同學腸胃炎好翻同佢去試下?
今次只係食咗一部分，下次期待食其他菜式
想食佢個雲耳同雞絲粉皮?