［101］傳Amazon拆股摶入道指，但點解要拆股先入到？道指又點計？又有幾低能？
＝＝＝＝＝＝＝＝＝＝＝＝＝＝
2021比別人知得多。subscribe now（https://bityl.co/4Y0h）。Ivan Patreon，港美市場評點，專題號外，每日一圖，好文推介。每星期6篇，月費80，半年已1600人訂！ 畀年費仲有85折
TLDR：拆細可能有誘因，但，真係要入道指？
1. 雖然好多嘢寫，但都寫埋呢單先。話Amazon會拆股，今次業績就會公佈。咁今次業績係幾時？係美股星期四收市後，即係香港星期五天光之前。
2. 呢單都幾神奇，早幾日由狐狸台記者Charles Gasparino獨家爆料。冇乜詳情，只係引述消息人士，話會令到光頭佬Jeff Bezos拋離 Tesla嘅Elon Musk，更加鞏固首富地位云云。因為拆股就會令Amazon成為道指成份股。出完個 tweet後，股價即時彈咗2%，當然股票唔會話你知點解升。實情股票一年250個交易，有大新聞嘅可能得20日？
3. 會定唔會？好快你就知。不過即使Amazon冇拆股，記者亦可以堅持話「因為我篤爆咗佢先縮沙」，量子力學咁，觀測者改變埋個結果（嚴格嚟講：觀測者唔應該評論啦，你做實驗睇光子都唔會吹氣），難以驗證。
4. 呢個猜測一直都有，而近年大家知，蘋果拆過股，Tesla亦都拆過。Amazon會跟亦唔奇，而如果係做嘅，公佈業績時做埋亦好合理。
5. 更重要嘅係，Amazon之前亦都拆過三次股，分別係1997年，同1999年（一年拆兩次）。不過，亦都要問，對上一次拆股超過20年前，做乜過去咁多年唔做，而家忽然改變主意？
6. 先講記者答案：為咗有得入道指，進一步拋離Elon Musk．呢度就可以講多少少。冇錯，Amazon並唔係道指成份股。FAAMG之中，只有蘋果同Microsoft 係道指成份股，Facebook Amazon Google 都唔係。原因？我都唔知，你去問班委員，透明度好低的。
7. 肯定嘅係，雖然全部係「道瓊斯工業平均指數」，但並唔一定要工業股先入選。
8. 不過有一個問題，之前都講過（懶搵舊文），道指係十分古老嘅東西，清朝（冇呃你！）產物，差不多140年歷史。咁當年計算工具同而家爭好遠，所以佢啲嘢十分求其（下面會詳細講），亦因為顧及計算方便（＊）。之但係，為咗傳統，就咁多年都冇改，就出現好多問題了。
9. 有名你叫，道瓊斯工業平均指數，就真係30隻嘅平均。點平均法？最初就係30隻嘅股價，加埋佢，咪指數咯。易計嘛！清朝咋大佬，將就下啦。
10. 後來都差不多，只係多咗Divisor，你加埋晒30隻成份股嘅股價，再除返呢個Divisor．而家嘅Divisor大約係0.152（聰明嘅你可以諗下，點解會細過1，附注會答）（＊＊）。咁你問，點計呢個Divisor？可以寫多幾千字講，但實務上，Google 或者搵 Wikipedia啦！仲清朝咩！
11. 都話，撇除咗個Divisor影響，道指就係30隻嘅股價加埋一齊。咁戇居都得？就係咁戇居！有乜戇居？好簡單，你諗下兩隻份股，如果一隻而家500蚊，另一隻1蚊，咁有乜後果？即係1蚊嗰隻，基本上升幾倍或跌九成都唔會有影響。500蚊嗰隻？我升1%，對個指數等於你1蚊嗰隻升5倍！亦即係話，股價大嘅公司，對指數嘅影響力就大好多！
12. 冇錯，任何股票指數，都會有啲權重（equal weights嘅例外）（＊＊＊），weights，加權平均數，我年代中四定中五數學要學。咁你每隻成份股佔幾多比重，就各司各法了。
13. 一般現世做嘅，都係market cap weighted，頂多有啲調整。恒指係咁，標普指數係咁。但道指因為係清朝嘅嘢，就用stock price嚟做weight
14. 咁有乜問題？因為個「股價」per se，係冇意義的嘛！A公司股價高過B公司，不等於佢大過B公司喎。我升1蚊可能係100%，佢升一蚊係0.1%，點可以放埋一齊比？
15. 所以，之前蘋果咪有呢啲咁搞笑嘅嘢，原本在道指嘅比重大約係12%，一拆四之後呢，變咗比重係4%，係咪夠低能？
16. 講咗咁耐，咁同Amazon有乜關係？關係就大。一般相信，Amazon同Google，入唔到道指，就係因為個「股價」太大。我懶慢慢計，但而家道指最重磅嘅係United Health，股價4舊水，佔比重已經7% — 咁我放隻3500蚊嘅Amazon入去，加埋隻2400蚊嘅Google，其實係咪睇呢兩隻得了？
17. 冇錯，道指是一個很低能嘅指數，所以真係「專業」嘅都會講標普指數，例如你見比較啲股市表現呀，都應該用標普。唯獨咩情況會用道指？你見啲要做到好耐data嘅就會，因為標普指數係1957年嘅產物，戰後嘅事。
18. 而媒體照報道指，只係因為習慣，亦因為傳統。扯開少少，同樣地，恒指都係麻麻地，但當然已經後生過道指好多，所以冇呢啲問題。但你見「機構投資者」，好多都睇MSCI 香港指數—咁所以，你話港股咁多年冇寸進嘅，睇你睇乜指數啫。
19. 好啦，講咗咁多，如果Amazon想入道指，應該就一定要拆股啦（雖然拆左亦不代表一定入到）。之但係，有冇諗一個問題：入嚟做乜？又或者，搞咗咁多年都冇入，離埋婚拆多份畀前妻上埋富豪榜，都仲係首富，做乜仲要理咩入道指？
20. 記者講法話，可以令佢身家進一步拋離Elon Musk，我就唔知個邏輯在邊。即管當光頭佬會care，但點解入道指就會身家升？入道指股價就會升？似乎唔係好站得住腳吧。有都只係暫時，同基本因素冇乜關。仲要根本追蹤標指嘅基金大過道指好多。
21. 記住，David Webb（唔係講廣東話嗰個）提過好傳神嘅比喻：你個pizza切多幾切，唔會多咗啲（嚴格嚟講少咗添，餅碎又冇咗啲，把刀又痴實一啲）。
22. 你拆股，拆幾多次都得，但點會影響股價？呢個亦係我見親啲人話煤氣「送紅股」嘅搞笑。屌你，送紅股咪即係拆股！
23. 咁至於點解啲公司咁鍾意拆股？官方答案話，提高流動性。即係可能一手長實定騰訊定港交所 十幾廿萬（冇check），太貴，散戶買唔起咁。當然實際上，就同點解啲公司供股用埋啲仆街比較一樣，點解要咩13供5呀咁，咪會有大量碎股，咪可以搵鳩你笨收埋你。間間都係咁玩，包括匯控渣打。
24. 之但係，喂，美股係冇一手手架嘛！所以根本冇呢回事。咁點解仲要拆細？可能就真係為咗降低入場費：但，你問我，一股Amazon都係三萬蚊港紙有找，一股都買唔起嘅，不如都係專心讀書返工？
25. 但但但，時代唔同嘛，而家YOLO嘛，鬼佬連登仔嘛，咁你三千幾蚊美金一股，可能啲網友就真係冇乜動力咯。所以，講到尾，可能都真係吸到多啲散戶？
26. 又然後，美股雖然冇一手手，但如果啲股票一路唔拆，升到幾萬美金一股，咁咪變咗又係入場費好高？不過其實而家可以買Fractional share的（＊＊＊＊）
27. 無論如何，你睇到篇文時，應該已經有答案。你話睇咗咁多對你賺錢有冇幫助？冇乜，但咪識多啲嘢。況且，Patreon一早寫咗啲對你賺錢有幫助嘅嘢啦
＝＝＝＝＝＝＝＝＝＝＝＝＝＝
2021比別人知得多。subscribe now（https://bityl.co/4Y0h）。Ivan Patreon，港美市場評點，專題號外，每日一圖，好文推介。每星期6篇，月費80，半年已1600人訂！ 畀年費仲有85折
＝＝＝＝＝＝＝＝＝＝＝＝＝＝
（＊）正如有一段好長嘅時間（講緊我睇銀行股時都仲係咁！），中國加息減息係要0.27 0.36咁去的，十分低能。點解唔係0.25？因為 0.27 0.36 之類畀9除得盡，易計啲。咁你話9/365 咪又係一堆混吉？錯，佢地用360的。
（＊＊）開估：好簡單，因為啲股票不停咁拆，所以個Divisor要一路縮細先令指數在拆估前後冇變（呢度唔解了）。但點解股票不停拆？因為股票係不停升嘅。又學到嘢了。
（＊＊＊）冇錯係有equal weight嘅指數，美股都幾常用。但，equal weight咪即係全部權重都係1，一樣有。正如唔選擇都係一種選擇。
（＊＊＊＊）呢度真係要搞清楚，有人話Fractional share係碎股，完全錯。Odd lot 先係碎股。香港要一手手買，咁唔足一手嘅咪odd lot，你可以買1股港交所。咁你話，有乜分別？我可以買0.1股 Google，有乜分別？—分別就大啦。你渣住1股港交所，就係股東，你可以入場媽叉李小加或者歐冠昇，1股都係股東，根據我理解佢不能唔畀你入場。之但係，你渣0.1股Google，你就應該冇得入場媽叉皮猜。我唔100%肯定，但就我理解，渣住0.1股嘅唔係股東。法律上最低單位就係1股。你可以去試下。咁你話你唔使媽叉人唔使食西餅嘅，有乜分別？應該冇乜嘅。之但係，美股一股都買唔起嘅，我勸你都係專心返工讀書吧啦。
道瓊成份股比重 在 [新聞] 道瓊工業指數改頭換面Salesforce等3檔入- 看板Foreign_Inv 的推薦與評價
1.原文連結：https://news.cnyes.com/news/id/4518401
2.內容：道瓊工業指數改頭換面 Salesforce等3檔入列 百年成員埃克森美孚移出
道瓊工業指數的 30 檔成分股即將換血，新加入雲端軟體服務商 Salesforce
、製藥公司 Amgen、工業公司 Honeywell，取代原本的埃克森美孚、輝瑞和雷神
(Raytheon Technologies)，8 月 31 日 (下周一) 開盤前生效。
Salesforce(CRM-US)、Amgen(AMGN-US) 周一盤後股價都彈升 4%，Honeywell(HON-US) 上
漲 3%。埃克森美孚 (XOM-US)、輝瑞 (PFE-US) 、雷神 (RTX-US) 下跌約 2%。
標普道瓊指數公司周一 (24 日) 宣布道瓊成分股大洗牌的消息，主要和蘋果公司
(AAPL-S) 分割股票有關。蘋果把股票由一股拆為四股後，將大幅降低科技股在道瓊指數
所占的比重。
標普道瓊高級指數分析師 Howard Silverblatt 說：「基本上，蘋果本身就把道瓊指數的
科技股比重從 27.6% 拉低到 20.3%，這是個很大的降幅。加入 Salesforce，可以把道瓊
的科技股比重拉升到 23.1%。」
擁有 124 年歷史的道瓊工業指數為價格加權指數，代表股價高者權重也高。蘋果今年來
飆漲逾 70%，是首家市值飆破 2 兆美元的美國企業，今年來為道瓊貢獻 1400 點，如果
沒有蘋果，許多分析師認為道瓊漲勢可能跟不上標普 500 和那斯達克綜合指數。
蘋果於周一盤後發放分割後的新股，股東每 1 股可多得到 3 股，調整後的股票從 8 月
31 日開始交易。
埃克森美孚加入道瓊已有近百年歷史
這個擁有 30 檔藍籌股大盤的成分股更迭，也顯示市場格局不斷變化。
標普道瓊指數公司透過聲明說，更換成分股「可以幫助指數多元化，避免規模相似的公司
重複，同時增加更能反映美國經濟的新型態企業」。
CNBC 報導，埃克森美孚作為道瓊成分股已有將近 100 年歷史，最早在 1928 年以標準石
油 (Standard Oil) 之名加入，當時道瓊從 12 檔成分股擴充為 30 檔。輝瑞則在 2004
年底加入。
Honeywell 曾在 2008 年 2 月遭移出道瓊指數，如今重返道瓊。
Bleakley Advisory Group 投資長 Peter Boockvar 說：能源依然是全世界的主要動力
，但能源股卻失寵至此，令人訝異。
3.心得/評論(必需填寫)：
覺得石油還是生活必需，短期要取代不容易，除非發明電動遊輪或飛機之類的，
請問有持股RTX的會繼續保留嗎．
--
※ 發信站: 批踢踢實業坊(ptt.cc), 來自: 114.34.3.138 (臺灣)
※ 文章網址: https://www.ptt.cc/bbs/Foreign_Inv/M.1598326681.A.310.html
... <看更多>