呢2日發生好多事，小感受繼續碎上：
1:由尋晚到今朝已經不斷有人問我點睇智叔嘅離去，點解未出post哀悼。之前達叔走咗我都要沉澱幾日先至決定寫，唔完全係因為想保留一啲距離再沉澱吓先，更加係因為，我寫同唔寫一直有個標準：「撥亂反正嘅事，越早出聲越好；生榮死哀嘅事，越遲開口越好。」
2:智叔嘅為人同藝術成就，毫無爭議，萬人景仰，無需多言；姜濤被惡意醜化事件，關乎道德標準同埋對錯價值，就算講咗得罪人，畀人扭曲誤解，都應該要出聲。
3:有時都冇辦法怪啲藝人點解唔出聲剩係講飲講食，話我唔識政治，當你關心社會發表意見，就會有人嚟話，你好好咩擺明抽水搏出位啦；唔講呢，又問你做咩唔表態又扮中立我對你好失望🤡🤡🤡唔怪得大部分藝人都寧願po 吓J圖同風景相然後好似衞生巾廣告咁pure咁打句have a nice day😊就算
4:突然諗起好多好多年前，at17最初出道響牛棚果個小小演唱會，超好睇，超感動，如果你問我呢2日二汶果個好睇啲定牛棚呢個好睇啲，我只可以講，二汶可以完美地踏上紅館，係一件好美麗好感人嘅成就，但我始終記掛當年牛棚嘅青澀，青春同完整。阿妹仍在，佢哋嘅笑容仍然天真燦爛，彼時正年輕，遍地風流，雲淡風輕。
5:呢排好多人PM問我助手一對一學紫微斗數，不過好抱歉，名額暫時已經爆滿咗，為咗確保教學質素，暫時唔再收生住，如果仲有興趣想學，麻煩PM留位，遲啲再開就會優先通知，不過講明，價錢絕對唔平，因為課程教法都係度身訂造，教到識為止，諗住幾百蚊一堂果啲麻煩出去搵返社區中心或者工聯會，唔好意思🙇🏻🙇🏻🙇🏻
6:每次開完班爆滿咗都一定會有人問你幾時再開班，但好有趣，當有得報名果陣，呢啲人又唔見影咕喎，友人稱之曰𢱑水吹，無需理會🤡🤡🤡各位欣賞我嘅朋友，其實平日我同我助手工作真係好忙，我唔想用「非誠勿擾」呢啲字眼，但就真係唔好無嘢搵嘢嚟問，咁樣亦會影響其他真係想報名嘅朋友，謝謝🙏
7:因為工作調動，嚟緊4月尾5月頭有一兩日嘅一個時段或者可以騰空到出嚟，諗緊好唔好開個體驗班畀大家玩吓呢？大家有咩好想學？
8:最近實驗緊一啲正面思考同行動嘅方法，發現都幾work，效果好神奇吓，有機會整理吓再同大家分享🌈🌈🌈🙇🏻🙇🏻🙇🏻❤️❤️❤️
9:聽日拍廣告（唔係Nike Adidas😂😂😂🤡🤡🤡係更識得欣賞我嘅品牌🙇🏻🙇🏻🙇🏻）要剃鬚🥲🥲🥲祝我好運🌈🌈🌈
#正面思考 #正面振動 #紫微斗數 #靈性成長 #王貽興 #bodymindspirit #selfgrowth #我不懂政治 #今天天氣呵呵呵 #林二汶 #at17 #牛棚 #紅館 #rip這回事
