里奧叔叔的台灣生活 《享受生活》
一連幾編都分享生意營運，今日就輕鬆下同大家分享點解里奧叔叔鐘意住南部。
首先要先聲明呀，里奧叔叔分享生活並非曬命呀，因為香港office 既同事成日話里奧係台灣既生活達富豪級，但事實並非如此，只係因為南部各種物價都比香港低好多，加上價廉物美，感覺上就可以好似富豪級囉。
里奧叔叔同好多人一樣，星期一至五就返工、放工，除此之外里奧亦要兼起家庭司機的責任接送兩個囡囡返學放學，收工都係返屋企食飯，飯後睇下電視，教下功課咁又過一日。
所以週未放假就需要輕一輕，享受下生活。
里奧叔叔住係高雄，但逢週六兩個囡囡都要山長水遠去到台南學音樂，點解要去到咁遠？因為兩個囡囡鐘意學豎琴，所以一年幾來幾乎風雨不改都要揸車一小時到台南上課，唉…為人父母既，子女難得有興趣學就遠一遠都要去啦！
但係個個禮拜都來回揸兩小時車就為左上課一小時講真又真係好攰，所以冇幾耐之後里奧就決定請一個兼職司機，司機哥哥逢週六返工，早上10:00 到屋企出發，揸里奧部車送我地一家去進行一日既行程，有咗司機哥哥幫手仲可以每個禮拜同小朋友去吃下靚午餐、行下街買野、買埋餸返屋企準備晚餐，生活單純得嚟又有親子活動，所以里奧叔叔每個星期都好期待禮拜六。
今日係禮拜六，就同大家分享下今日做過D乜啦
今朝如常10:00 司機哥哥準時到達出發，買埋早餐就出發到台南安平區上課，11:00 到音樂學校後里奧同里奧嫂就到附近超市行下買日用品，夠鐘（12:15）就返學校接小朋友，今日里奧想去食日本料理，所以就帶埋支朋友送既靚清酒，係安平book 左一間日本料理小餐廳食午餐。
台灣有好多不同大小既日本餐廳，不過里奧比較鐘意去小店，小店感覺比較親切，去多兩次老闆都會一齊傾下計，呢種感覺好舒服好在地「道地」。
食完飯大約14:00準備返高雄之前突然今晚想約朋友嚟屋企聚會飲下酒，咁里奧嫂就提出不如去買海鮮啦，我地好鐘意食明蝦（花竹蝦），約好朋友之後就決定明蝦由我地負責，咁就要麻煩司機哥哥車我地去買啦。
台灣每個城市都有好多大大細細既漁港，而里奧就知道台南安平有一間海鮮係賣每日新鮮漁船既收獲，里奧打電話去確定有貨就嗱嗱林去買幾斤今晚打邊爐，明蝦（花竹蝦）係澎湖特產，里奧唔係太清楚香港賣幾錢斤，係台灣都唔算太平，但比香港我諗會平DD掛。
買完蝦返到屋企就開始準備今晚既聚會啦，就今日既行程里奧嚟同大家分享一下戰利品同埋成本，比大家作一個參考。
司機哥哥
10:00 - 16:00 $1200
日本料理 $1750
明蝦每斤 $1000
自帶朋友送既清酒 「無價」
車行左三分一缸電油 $300
以呢個生活成本嚟享受，確實明白點解香港D同事成日都話里奧活得越嚟越招積，不過既然移民過台灣，平時工作賺錢之餘又真係好應該享受一下生活。
#里奧叔叔
#台灣移民
#投資移民
#日希移民
週六兼職台南 在 台南工作［正職、兼職- 時薪人員、工讀 - Facebook 的推薦與評價
WorldGym台南中華西店【應徵職缺】：櫃台客服人員【工作內容】：1.會員接待服務 ... 永大夜市（每週六、日） ... 歡迎想兼職或打工的朋友洽詢邱先生0903071038. ... <看更多>