全世界把「教學」與「考評」分離的國家或者地區並不是太多，起碼中國大陸不是。大陸只有一個教育部。教育同政治係分唔開，因為教育係政治嘅一個好重要嘅工具。
香港教育制度將課程設計同考評分為兩個部門處理，而教育局又無法直接監管考評局，這種狀況，係中共嘅眼中，是無法想像，亦都不會允許存在。
中共一直都看到這一點，一直想搵機會整治教育界，一路都搵緊一個機會作為切入點。通識科被整改、歷史科題目事件，還有一直在討論的普教中、國民教育問題，都係呢個議題嘅拼圖。
在大陸，教育不是為單純了培育人才，而是培育愛國的人才，培育不會反抗、真心效忠共產黨、對國家有貢獻的人才。所以教育系統是政治的一部份，就像一間公司的培訓部，一個大老細係唔會培訓出一班反抗自己嘅員工。所以大陸就會有黨委書記進駐每一間學校，直接監督學校，就像一間公司的董事長，而校長就是一個CEO，可以隨時被替換。
香港嘅狀況好唔同，首先香港嘅學校好多都係有宗教背景嘅辦學團體，都有好多私校、直資學校。政府除咗喺課程同資源方面影響學校之外，喺日常課堂教學方針，同埋導師操守方面，對學校嘅控制程度係非常低。
而教育局對於考評局出題方向嘅控制，其實冇你想像中咁大，大家有做過通識科2014年嘅past paper都應該記得卷一第一條題目，就係問及七一遊行同埋「行騙長官」下台。通識科近年嘅出題問及不少香港政治系統，係中央嘅角度呢啲題目直情連出都唔應該出，因為在上位者，連少少擦邊球都唔想俾你打。
今次歷史科出題事件，不論有心定無意、巧合或計劃之內，都係為林鄭月娥整治教育界製造有利條件。
其實中共已經發明左整治香港嘅一套方式，Step 1就係先製造議題，然後step 2官媒發聲，例如新華社、人民日報、環球時報，把事情上升到國家關注的層面。Step 3就係動員所有建制、藍絲、既得利益者讓議題係社會上面有足夠嘅輿論發酵，社交網站滲透到所有支持者，挑動他們情感。Step 4就係開綠燈讓林鄭月娥處理事件，雙方一唱一和。
呢個Pattern已經重複咗好幾次：最近期是醫護罷工例子，而可以估計呢個模式會用嚟處理23條。
製造23條立法嘅最佳條件，就係用恐怖分子嘅罪名檢控一班手足，不論這班手足最後會否被定罪。事件都能上升到國安層次，大陸又開始定調香港出現恐怖主義，讓23條立法有一個合理基礎。
中共秋後算帳大報復已經開始，文革2.0已經啟動左。教育界、醫護界、飲食界，唔理你咩界別都好大家都要有心理準備，好好睇路。而近來大陸抗疫取得成果，兩會可以重開，我開始sense 到中間派市民開始出現轉向，情況確實不太樂觀。
#連盧家耀都quit我地呢科連大佬都冇埋
#教育界 #大追捕 #大家睇路
