《自從有左網絡世界，我明白咩叫醜事「光速」傳千理》
「我行錯步，我差錯步，此刻心傷透」...
其實呢句歌詞真係我人生座右銘，唔係唔可以做錯，而係有時一念差，做錯決定，之後真係後悔到想自己拎把生果刀插自己兩野。
以前做錯事，只有天知地知我知，我得罪個條友知，而家只要「我得罪個條友」上網講兩句，我真係永不超生。網絡世界係令大家都「步步驚心」，唔敢做錯事。
都係個句，不要讓自己成為自己口中嘅仆街
《不要讓自己成為自己口中嘅仆街》
(這是一篇圖文不乎嘅文章)
呢個星期我消失天與地，我係去左日本搵技安，佢真人真係靚過上鏡，而且我終於買到佢隻CD，yeahyeahyeah。尋日朋友仔好認真同我講：「其實你咁鍾意技安，不如考慮下收養懷仔 ...」。我強調多次，技安係有間雜貨舖，有老豆老母，有接受教育嘅日本富二代，佢打捧球同蝦同學都係全班最出色架，同個死肥仔係唔同架。
****************************************************
總覺得喺日本人眼中，香港人同大陸人係一撚樣，一樣咁衰...
今次日本之旅，遇上好多香港人，大家都寧願不停接受輻射，都唔想留喺香港。當香港人到日本成為自由行，我見到香港人嘅惡行，警剔我，「不要讓自己成為自己口中嘅仆街」。
以下嘅例子可能係個別事件，我只係希望經常強調「大陸自由行特別仆街」嘅香港人，唔好自我感覺良好，讓自己成為自己口中嘅仆街。
****************************************************
請唔好發揮香港嘅「執輸行頭慘過敗家」精神...
→ 第一日去到日本機場海關，打哂蛇餅排隊，counter得幾個，日本工作人員就安排旅客去唔同嘅counter。我前面有兩個香港仔，佢地應該趕住去死嘅。工作人員叫佢地去no. 3 counter，兩個香港仆街仔覺得no. 3 唔夠快，其中一個仆街仔就閃左去no. 4，結果no. 4 真係快少少，仆街仔就示意排緊no. 3嘅仆街仔過來插隊。個仆街仔仲覺得自己好撚醒，講左句：「都話呢度快D架啦」。相信大家去迪迪尼都試過同大陸人一齊排隊，大陸人永遠都唔會一個跟一個，佢地當條隊係跑步機條track，係會跑過你。呢兩個香港仆街仔「飄移」咁排隊，咁仲使咩個日本工作人員安排？兩個香港仆街仔同D大陸人有咩分別？
請唔好覺得自己好醒...
→ 「日本人英文真係差，喺機場做D英文口音都唔準嘅...」，我相信語言係去來溝通，唔需要講到會考listening 咁嘅，佢冇講到好似靈格風咁都溝通到，就唔好咁多聲氣啦。
請唔好做deadline fighter…
→ 回程喺禁區餐廳，情侶甲乙好緊張對話：「夠鐘啦，拿拿臨啦」。旁邊有情侶丙丁，丁好大聲講：「都唔明D 人，都未夠鐘，好似未坐過飛機咁，使咩咁緊張」。人地唔想last minute去到個閘度，心急早D行關你蛋治咩？點解咁都要懶叻，強調自己有多年坐飛機經驗呢？咁叻見工寫落CV啦你。
請唔好成日黃老太精明眼上身，「咁我咪好蝕」掛在口邊...
回程飛機客滿，香港人永遠都買買買買買，彷彿香港係冇野賣嘅，買到hand carry嘅體積根本等於寄艙行李嘅體積，都唔緊要。空姐廣播勸喻大家將比較細件嘅hand carry放喺腳前，等多D人嘅「大件」hand carry可以放頭頂櫃。坐隔離個c9就同佢老公講：「使唔使拎返我個手袋落來呀？」，佢老公話：「你都痴線，梗係唔好啦，邊有咁蝕，拎落來，對腳點伸直呀？成4個鐘，佢冇位佢嘅事，D 空姐要解決架啦」-_- 其實點解咁仆街，咁斤斤計較呢？我有位放行李佢冇位，我真係好彩啦我，呢D係咩心態呢？
****************************************************
「點衰都唔夠D大陸人衰架」
的確，我喺伊勢丹門口又見到強國人抱B屙屎，我會好想問，「都去到伊勢丹門口，入面就有廁所，係唔係腎虧姐到底？一秒都唔忍得？」。有人會話，香港人少少衰，大陸人係勁衰。其實衰係唔需要鬥嘅，而日本人嘅眼中，只要有部份香港人做衰自己，佢就會覺得香港人同大陸人係一撚樣架啦。所以請大家不要讓自己成為自己口中嘅仆街，大家去保持返「香港人同大陸人唔同架」嘅差距好嗎？
迪迪不要停歌詞 在 [情報] 法拉利姊(張婷婷)-迪迪不要停- 看板popmusic 的推薦與評價
https://www.youtube.com/watch?v=bAXXhFbhBw4
婷婷有參與作詞作曲
但mv大概就一般movie maker等級
整首歌曲無論是歌詞、Rap都很趣味
覺得蘋果幫婷婷配的音樂比較合xd
https://www.youtube.com/watch?v=wRuCO4Vjz4k
--
※ 發信站: 批踢踢實業坊(ptt.cc), 來自: 111.250.28.31
※ 文章網址: https://www.ptt.cc/bbs/popmusic/M.1436072263.A.214.html
... <看更多>