之前有個男仔喺第二間獵頭公司過檔，佢想將一個舊客帶埋嚟，仲話呢個客啲單好易開，長期請Sales同埋Admin，近乎有身份證就請咁滯，咁我又想問喇：
「咁易請使鬼搵我哋Agency？呢間公司個名全香港都識，佢自己登廣告都得啦，肯肯定有伏。」
「係伏架！因為佢公司捽數壓力好大，啲人走馬燈咁轉，上年幫佢搵咗個Sales，好似話患咗抑鬱症，有次無啦啦喺Office大喊，另外有個Admin就畀人排斥，返咗兩個月之後辭職。」
「咁你仲幫佢哋請人？呢個客唔做，咪做第二個客囉！」
「易中吖嘛，個客找數好快，我哋唔做，第二間Agency都會做，Agency唔做，都會有啲人自己Apply份工。」
無可否認，離職率高嘅公司，絕對係Agency嘅金礦，因為長做長有吖嘛，不過呢個係良心問題，明知有人做到抑鬱仲介紹求職者去，咁樣同做幫兇有咩分別？須知道抑鬱症喺社會越嚟越常見，如果平時難以專注，又成日覺得好攰，對任何事都提唔起興趣等，呢啲可能已經係患上輕微抑鬱症嘅警號。
香港生活節奏出晒名緊張，之前有調查話年齡介乎19至75歲嘅華裔成人當中，患有一般精神病嘅比率為13.3%，煩躁、憂慮、不安、頭痛、失眠同埋疲倦等等都係症狀，可想而知情緒病係幾咁普遍。
錢搵唔晒，我寧願開唔到單，都唔想推人落火坑，因為冇咗健康嘅身心，搵幾多錢都補唔返，睇專科醫生嘅費用一啲都唔平架！如果大家想知更多關於輕微抑鬱症嘅資訊，可以去呢度睇睇：https://goo.gl/YJVRie
#身心活態度
#情緒病
#抑鬱
#情緒健康
身心活態度 在 #一人一post撐起身心活態度 - Explore | Facebook 的推薦與評價
explore #一人一post撐起身心活態度at Facebook. ... <看更多>