【《#怒拳媽媽》：越南女版《救參96小時》，拳腳揮低一team拎AK嘅奸角！】
#晞Netflix記事
我睇Netflix已經冇嘢睇到一個暴走地步，事但啦咩都睇！
搵搵吓見到呢套《怒拳媽媽》，原來曾係越南史上最高票房電影，都代表越南出戰奧斯卡最佳國際電影－－奧斯卡當然得啖笑，但又幾過癮喎，唔好理劇情的話。
故事極簡單，講個單親媽媽囡囡俾班人口販子捉走，但佢都好似Liam Neeson咁，有「very particular set of skills」－－撈過黑幫又學過武術，就單人匹馬搵班人口販子，赤手空拳打到要見到個女，之後你諗到套戲講乜。
講起東南亞武打片，早年泰國有Tony Jaa果堆、近年印尼有《突擊死亡塔》、柬埔寨有《殺出金邊監獄》，咁越南都要整套《怒拳媽媽》。唔係性別歧視，對比隔離國家嘅武打片，《怒拳媽媽》始終係女人做主角，打得冇果幾套咁癲狂，定還是越南尺度唔可以咁癲？動作設計都冇《女拳霸》咁緊張刺激、武打場面都係一個場景係咁打，亦冇巧妙利用四圍武器、玩一鏡直落之流，再加上套戲八成動作場面都係夜晚打，睇時會覺得差少少。
唔肯定女主角Veronica Ngo（曾演出《星球大戰：最後絕地武士》）識唔識打，過程都有唔少剪接，但就算佢演出贏曬。幾場重要動作場面都幾刁鑽，車房戰拎住支螺絲批係咁片就好爽，而同終極大佬嘅刀仔戰，個人覺得都比拳腳功夫嚟得好睇－－雖然唔多睇得出「越武道」係點打，但呢兩場係爽嘅。Veronica Ngo並唔單純係一味死打難打，難得佢堅有演技，開頭就算你知佢有「very particular set of skills」，對個女心急如焚表現係令你投入到落去。
講到劇情嘅順理成章，就仲誇張過《救參96小時》。當個女俾人綁咗出大城市，但女主角唔係Liam Neeson，衰啲講連部電話都冇，就咁單人匹馬搵乜都俾佢搵到，神乎奇技。成班警察加埋成班反派，講到係國際性人口販子，竟然一支槍都冇，去到最尾無啦啦成team軍隊咁，嘩屌女主角單用拳腳可以打低成team人？終極大佬喺女主角面前講重要線索又係咩玩法？
當然，睇得呢啲戲都唔好駁故，純粹為求「爽片」，喺段咁無聊嘅日子下，你要關閉大腦咩都唔諗，《怒拳媽媽》都係唔錯選擇，動作場面打得夠爽，亦有恥笑，兼真係笑得出場面。唔知果幕女護士，係咪越南啲綠葉喜劇演員？
講起越南電影，好似淨係睇過《小三妻》。
👇🏻第7屆晞。觀影記事讀者電影投選，你投咗票未？快啲去投啦👇🏻
🏆投票傳送門在此：http://bit.ly/392BwQ2
📣即訂Patreon加強版，閱讀更多精選深度獨家電影文章：https://www.patreon.com/travelerwithmovie
📣文字工作者也得要吃飯，你的支持是我的原動力。請給點心意，給小弟寫更多好文章，歡迎透過payme課金以作支持🥳：https://bit.ly/3a9wOzy
或使用Payme link：https://payme.hsbc/jackyhei
或透過Paypal捐款：paypal.me/jackyhei
🙏感謝各位支持，小弟執筆之原創小說私人貨存已全部售罄，有意者可到此文章內的連結購買：https://bit.ly/3dRuUWu
【IG請follow】www.instagram.com/travelerwithmovie
越南電影netflix 在 [問題] 在越南觀看Netflix 或愛奇藝- 看板Vietnam 的推薦與評價
想請問若在台灣買Netflix 或 愛奇藝的帳號
到越南觀看這兩個平台會鎖區嗎?
有爬文看了一下Netflix好像不會，但不VPN的話除了越劇還有哪些劇或電影可以看呢?
有大大可以分享一下使用經驗嗎?
謝謝!
--
※ 發信站: 批踢踢實業坊(ptt.cc), 來自: 60.250.144.174 (臺灣)
※ 文章網址: https://www.ptt.cc/bbs/Vietnam/M.1595991617.A.4F2.html
... <看更多>