［垃圾股實驗跟進］亂買都贏錢！跑贏大市！贏碟牛肉都係贏！
1. 唔寫驚冇得寫。但是咁的，我個美股垃圾倉，已經上返水面，有錢賺！（你可以自己計！）。仲要同期美股係跌嘅，即係垃圾倉都跑贏大市！亂買都贏！專家食屎！
TLDR：亂Q咁買都贏錢兼跑贏大市！真係使Q分析，專家食屎。但一樣有啟示。不過呢度只係3萬蚊（係夾埋3萬！），就已經話你知手痕多於一切。真係靠呢啲開飯就死得。順手回應下有人覺得我唔識買細價股只識買Big cap，係呀，美斯唔識頂頭槌添呀！C朗唔識用口打兵乓波添（睇殘奧有的）
＝＝＝＝＝＝＝＝＝＝＝＝＝＝
一週年！月頭訂最抵！比別人知得多。subscribe now（https://bityl.co/4Y0h）。Ivan Patreon，港美市場評點，專題號外，每日一圖，好文推介。每星期6篇，月費100，已經1900人訂！ 畀年費仲有85折，20/40年費VIP 送本人著作一本。
＝＝＝＝＝＝＝＝＝＝＝＝＝＝
2. 關於呢個垃圾倉，呢度舊 post有講（https://fbook.cc/3Z5F），買完仲出多咗篇文（https://fbook.cc/3Z55），但快手講多次。早排Business Insider，在美國7500個分析員（咁少？）入面，搵咗最勁嘅10個，再睇佢地而家嘅一人一隻心水股。咁何謂最勁，何謂心水股，就舊post有講。
3. 重點係，嗰十間公司，都係相當垃圾。「或者你可以話有潛力」，十間有七間我聽都未聽過。有啲市值得十幾億美金。
4. 但我甚至都費事去理解做乜業務，心諗，扮乜春？擺明係師奶羊太跟冧把，我就照買。買邊隻？十隻買晒！但我控制我嘅注碼，每隻3000港紙，夾埋三皮嘢，輸晒都……夠我打好多次邊爐，「但唔會咁黑仔十隻晒啩」
5. （呢個亦係好多人拎賭波賭馬賭錢同買股票相比嘅盲點，你買場波，中可以幾倍幾十倍，但輸係輸晒，我亂咁買股票，要好快輸晒都唔係易事）
6. 點解係3000港紙？因為有一隻入場都要3000港紙，美股係一股一股買，但佢就係一股都近400美金。
7. 呢度係昨晚嘅情況，你可以同舊文對返，真係嗰10隻，冇得呃的。完全係李華月打真軍冇造假（不過有格，Patreon咪有無修正版）
8. 咁暫時，見到上返水面，昨日單日升4%，咁累計（就係呢個圖）贏緊450蚊，2%左右，好失禮你？8月9號買的，同期美股仲要跌。港股更唔使講。
9. 想睇邊十隻，就Patreon，雖然只係玩票性質，只係每隻買3000，已經證明我有幾大「信心」（但總好過你啲網友把口就講乜乜乜，原來乜瞓身沽空）。
10. 不過，睇厚格版，都有啲啟示嘅：
11. 首先，真係十隻輸咗七隻，垃圾倉果然名不虛傳。另外，輸呢七隻之中，四隻都兩個星期唔使已經輸10%，有隻好似單日跌過兩成添（但計到而家唔夠10%），但我從冇走去「止蝕」！
12. 更重要嘅係，十隻輸咗七隻，七隻中仲有四隻輸10% —但我一隻勁升就救全家啦。可見「一隻好股可以補返幾隻輸錢」，垃圾倉都適用，更何況係好公司？
13. 不過，個前題就係你咪撚走去「止賺」！我知我話「唔止蝕」好多人都反對，亦幾有爭議，另文再講。但，「止蝕」都仲有得拗，「止賺」就真係戇撚鳩的。如果最底嗰隻我10%甚至20%「止賺」，而家食乜？肯定成個倉輸錢。贏嘅都只係贏少少，咁你輸嘅點算？偏偏啲人係以為自己唔會輸錢的。
14. 又，未到終點（幾時終點？）唔知，但，呢隻一命救全家嘅，亦就係我話十隻之中得三間聽過嘅其中一隻。
15. 小故事，但真人白老鼠show，旨在娛樂同教學。講真，賺幾舊水，都未夠我打邊爐叫碟牛。
16. 但小故事畀你睇到一啲好基本嘅嘢。想知多啲，或者開我底睇睇呢十隻垃圾係乜（即係走去掘人地垃圾桶睇有乜，你都幾變態，不過唔影響人就好），就訂Patreon吧
＝＝＝＝＝＝＝＝＝＝＝＝＝＝
一週年！月頭訂最抵！比別人知得多。subscribe now（https://bityl.co/4Y0h）。Ivan Patreon，港美市場評點，專題號外，每日一圖，好文推介。每星期6篇，月費100，已經1900人訂！ 畀年費仲有85折，20/40年費VIP 送本人著作一本。
＝＝＝＝＝＝＝＝＝＝＝＝＝＝
