*嚴禁劇透*
*粗口自行過濾*
*可瘋狂話戲屎但免人身攻擊*
[1230隔夜超短劇評][ViuTV][VR驅魔人 EP03]
[讚] 主線劇情比起上兩集focus返啲，立即好返好多。劉翁冷面演繹愈睇愈好笑，反而王貽興啲表情真係生硬有啲夾硬。
繼續想讚吓鄧月平，雖然今集因為喊戲嗰段太長而劇本冇令佢有情緒變化，喊足幾分鐘同一個情緒，係有啲悶，劇本同演員喺呢段食糊位設計不足。我冇睇《小男人週記3》，不過提名得金像獎最佳新演員，應該係受到今次劇本所限？20歲新人，加油慢慢嚟。不過男朋友撞車嗰個驚嚇樣真心有啲奇怪。
死鬼男朋友黃定謙 WTHimmy個演繹空間反而因為劇情情緒轉變多過女朋友而多啲發揮，黃定謙做足咗。我個人想睇佢做多啲，佢每次都冇令我失望，可借啲時間畀咗彭浩翔。
今集一拳打爆籃球向《逃學威龍》致敬咪幾順暢~~~
[彈] 之前一知道咁多巨星串客，都怕好似《豪門夜宴》咁群星拱照但唔知做乜。王貽興之前喺訪問話唔會，因為每個星都有作用。彭浩翔嘅警察係有作用嘅，帶出男朋友係點死，先可以用VR解心結。不過客串又有另一個問題出現，就係請得嚟佢又肯應承就拍咗唔好嘥，畀佢哋啲時間唔覺意就多咗，今集彭浩翔有勁多位都係多鬼餘又唔好笑，唔似上集Brenda咁短少有力。
上集先讚完舅父嗰個故事結尾啲對白寫得正，但今集鄧月平同黃定謙VR相見一幕啲對白真係老套又唔touching又長，立即跌晒watt，明明可以好感動。或者佢哋想搞笑同感動並行？咁係最高手法，但做唔到，貪心最後兩頭唔到岸。
[演員表]
王貽興 飾 皮蛋王 / 劉翁 飾 Sunny / 鄧月平 飾 Charlie / 黃定謙 飾 翹楚 / 彭浩翔 飾 警察
#1230隔夜超短劇評 #ViuTV #VR驅魔人 #王貽興 #劉翁 #鄧月平 #黃定謙 #彭浩翔
豪門 夜宴 劇情 在 豪门夜宴：香港200多位明星參演，4天拍攝完成 - YouTube 的推薦與評價
開發商曾小智為人油嘴滑舌，為了買入樓盤謊話說盡，他的競爭對手洪大寶不遑多讓，二人在經紀人學友的牽線下亦敵亦友。曾小智獲悉科威特王子阿里巴巴 ... ... <看更多>