第一次自己設計嘅圖片，歡迎share出去，今晚見。
======
讀者投稿：無留名
我喺沙田乙明邨長大，獨生女，因為父母都要打工搵食，所以我好細個已經開始自己返學放學。
我通常放咗學會去同學屋企做功課，大約7點鐘先返過去自己座樓，因為阿媽8點左右會返到，不過某一次我遇到個變態佬，佢跟住我入𨋢，撳咗較高嘅樓層，當我一出𨋢門嘅時候，佢一隻手掩住我個口，另一隻手就箍住我條頸，拉咗我去後樓梯。
當時我只係三年級，根本驚到唔識畀反應，而且個變態佬箍到我唞氣都好辛苦，佢對我上下其手，最初隔住校服裙摸我，後來伸手入校裙裡面再拉開我條底褲，用手指插入我下體，跟住佢捉住我隻手，夾硬要我摸佢下面，唯一慶幸係當時唔算夜，只係7點幾鐘，始終有唔少人放工返屋企，雖然我嗌唔到，但係我有用力「dum」地，佢最後好大力推咗我埋牆就沿住樓梯衝落樓。
我驚到淨係識得喊，第一時間返入屋，後來阿媽返嚟見我唔對路，個額頭又瘀咗，所以問我發生咩事。當時阿媽又驚又嬲，打咗個電話叫老竇快啲返，然後再報警，其實嗰陣距離事發已經超過一個鐘有多，亦可能因為咁樣，最後都捉唔到個變態佬。
老竇返嚟之後冇出聲，但係就叫阿媽辭咗份工，每日專心湊住我，寧願自己辛苦啲踩多幾轉（我老竇揸搵食車）。
呢件事令我好自責，如果當時我唔係懦弱到即刻返屋企，而係去拍鄰居門，叫佢哋報警或者幫手追，可能就唔會畀個變態佬逍遙法外，我知道嗰陣自己只係小學三年級，驚係好正常，不過一諗起可能又有其他女仔被侵犯，我又會好內疚。
除此之外，被性侵犯嘅事亦影響埋我嘅愛情觀，仲有對男性嘅信任程度，所以我第一次拍拖已經係27歲，個男朋友係公司同事，我一直都冇同佢講我被侵犯過嘅事，但係試過兩三次見到一啲非禮或者強姦嘅新聞時，會故意同男朋友討論，講到尾都係想試探佢嘅反應。
當時男朋友話女仔被性侵犯唔會冇原因，有次佢話唔係去街去到三更半夜先返，又點會遇到色魔；有次佢又話可能係個女仔著得太性感。其實次次我都會因為呢啲講法同佢鬧交，只係有一次我真係頂唔順，爆喊同佢講分手，仲將自己細個嘅不幸遭遇講咗出嚟，太夜返屋企？當時7點幾咋，對好多人嚟講仲係正常放工時間。著得太性感？我讀書套校服冇得揀㗎！
隔咗一晚，男朋友追返我，我唔會忘記佢攬到我好實咁講對唔住，然後話要一齊面對。
我哋後來都各自轉咗新公司，唔再係同事，亦唔再係男女朋友，因為佢做咗我老公喇。
如果有女仔同我一樣被侵犯過，我只想以過來人身份講幾句，就係唔好自責，亦唔使逃避現實唔敢面對過去，我哋並冇缺陷，仍然值得有愛我哋嘅人，仍然有美好嘅未來等緊我哋。
我唔想披露身份，原諒冇留低電話或電郵聯絡，如果你今晚都去Me Too個集會，可能大家會同場，因為老公會陪我去。
==========================
Facebook: 平等機會婦女聯席
Telegram Channel: t.me/ProtestTooHK
Instagram: instagram.com/acsvaw
🙅🏻♀🙅🏽♂ 【反送中#metoo集會 AntiELAB #metoo Rally】🙅🏻♂🙅🏾♀
*執法為名 凌辱為實*
*追究警察性暴力 捍衛香港人尊嚴*
*Stop Hong Kong Police's use of sexual violence*
日期：28/8/2019 （星期三）
時間：2000-2130
集會地點：遮打花園
💄 Dress code：以唇膏寫#ProtestToo在手臂上
(已獲不反對通知書)
#AntiSexualViolence
#AntiELAb
#讓我們有免於恐懼的自由
#反送中運動
#五大訴求缺一不可
讓我們有免於恐懼的自由 在 #免於恐懼的自由 - Explore | Facebook 的推薦與評價
外祖母的教導對作者影響深遠，她要作者做人要有良知，還教外孫女：「一生之中，你會碰到許多人渣，他們傷害你，因為他們愚蠢。你不必回應他們的惡意，世上最差的是自卑和 ... ... <看更多>