Search
撞鬼咩對住空地射
仲要對住記者/人地聖地射 賤到爆
.
（我陰謀論覺得 本黎劇本 克警想借刀殺人）
（叫南亞人斬民陣 再派臥底破壞聖地）
（再嫁禍示威者 點知失敗）
最後connect左更多不同宗教嘅人
之後克警就發爛啦 真係好賤
有必要咩？說好的專業呢？呢個世界公平咩？😡
.
#反送中 #反送中條例遊行 #五大訴求 #缺一不可 #光復香港 #時代革命 #不割蓆 #不篤灰 #林鄭下台 #黑警 #黨鐵 #freehongkong #香港人加油 #天佑香港 #遍地開花 #連儂牆 #天佑我城 #黑警 #hongkonger #國殤日 #港殤日 #暴政 #黑警可恥 #齊上齊落 #bewater #警黑合作 #食評 #黃店 #藍店 #香港人反抗
【譴責「暴力」前，不如問吓自己以下6個問題先？】
（全文另載medium, 篇長文會易睇啲，歡迎click入去clap文，所有收益會捐出作救援義士之用）
#成件事有幾暴力先？
搞咗成日，爛咗幾塊玻璃、畫咗幾個 Graffiti、整爛幾條仆街嘅海報…吓?冇嗱? 點解大家到咗呢個時候, 唔係集中火力去大力譴責政權同黑警嘅暴力, 而係鬧呢班 「暴力」到入去連飲汽水都擺低錢, 貼埋Memo出嚟提醒大家「切勿破壞」, 搞成日對家連血都冇流過滴嘅兄弟姐妹?
#咁樣一衝就一鋪清袋喇？
我知, 大家都有份出力, 所以大家都好緊張, 但出嚟做智者之前, 不如先諗諗, 搞到200萬人出嚟行喇, 我哋究竟袋咗啲乜走? 200萬人好清晰嘅5大訴求, 有幾多個係回應咗?答案係0呀, 連最基本嘅「徹回惡法」我哋都冇袋走過, 個袋由此至終都係吉嘅, 又何來俾人一鋪清?
#咁樣一衝就失民心?
唔好搞笑啦, 由69到612再到616, 我哋聚到幾多民心? 係200萬呀! 全香港都已經有4分1出咗嚟啦,要聚嘅民心已經仲唔夠多?
由5年前到而家, 大家唔好再咁天真去以為自己可以說服到對家, 對面班藍絲廢老黑警, 良心上人性上都係超出常人嘅低劣, 唔好再以為衝去幫警察擔遮就會感化到佢哋; 而嗰班所謂沉默的大多數, 搞到犧牲咗3條人命, 成班年青人又流血又食子彈, 都唔出嚟嘅, 你唔係以為我哋又去遊行多次, 就可以喚醒呢班裝睡又或者真係瞓L著咗嘅人掛?
所以, 由頭到尾, 個心從來喺自己到, 失唔失, 係自己話事。所謂會失嘅民心, 就係你自己嗰顆心。你唔失我唔失, 大家夠團結, 就唔會失咗個民心。責備佢哋之前, 不如搵返自己嘅初心, 記返起自己由Day 1就講過嘅「各有各做, 兄弟爬山, 各自努力」、「 不譴責，不篤魁，不割𥱊」。
#衝嚟冇用仲衝嚟做乜?
你問我, 我都質疑成效, 我都唔想佢哋衝。但諗返轉頭, 200萬人出嚟遊行, 用人數去俾壓力 ; 2日籌幾百萬, 全球式登報, 用國際輿論去俾壓力, 又係咪好有用?
面對住厚顏無恥嘅政權, 每個人都注定要將自己嘅犧牲Maximise先可以成功, 所以當有人肯犧牲10年嘅自由, 用一啲你唔敢用嘅方法走上最前線幫你同我去試一條新嘅路時, 我哋究竟憑乜嘢去站喺高地到指指點點?
喺你眼中佢哋可能好蠢, 犧牲係唔值得, 我都覺得好唔值得, 但有咩辦法? 上得前線嘅, 已經證明咗佢哋真係可以連命都唔要去死控, 我哋唔敢衝嘅, 坐喺鍵盤前judge佢哋, 倒不如諗吓自己仲可以做到啲咩, 去減低佢哋嘅犧牲仲好啦!
更何況以結果論的話, 一日未到End Game, 一日都唔知我哋做過嘅嘢有冇用。就正如冇當日嘅梁天琦同魚旦革命播吓嘅種子, 今日唔會出現612嘅畫面, 冇612就冇616大家引以為傲嘅200萬人 ; 就正如Iron Man都會質疑Dr. Strange點解走去自殺式獻石俾Thanos啦, 但最後咪又係靠呢一吓, 先締造到嗰幾百萬分之一嘅機會出嚟?
又, 如果唔係佢哋佔領咗立法會, 唔通你以為50幾萬71遊行, 今日可以上到咁多外國大報嘅頭版? Donald Trump會出聲講吓我哋?
呢個世界就係咁, 你以為冇用嘅嘢未必冇用, 你以為有用嘅嘢又未必有用, 大家都喺度試緊, 結局一日未到, 一日都唔知結果,又何必咁早就衝出嚟屌呢?
#衝嗰啲一定係鬼 #唔好咁天真咁易俾人操縱啦?
鬼, 我覺得咁大個群體入面, 一定有。
但點解你咁肯定衝嗰啲係鬼? 講咁多之前, 你有冇真係落過現場了解吓先?
原諒我一直都唔敢衝到最前, 原諒我都係要返工為五斗米折腰, 但係每次去到現場, 我都真心佩服呢班年青人。
佢哋每個都係NoBody, 但係每次都會自動埋位幫手, 每個人都好清楚自己做緊啲咩, 每個人都好清楚自己冒緊啲咩風險, 每個人都好清楚自己可以犧牲到一個咩嘢嘅程度。
佢哋係一班擔心你唔係成日去現場, 而每次都會主動提醒你戴返口罩, 做好防衛措施嘅小朋友; 佢哋係一班時刻提住你要小心, 提住你唔想犧牲就好快啲走嘅小朋友; 佢哋係一班押上自己嘅前途, 去為我哋呢班唔敢犧牲更多嘅廢中廢老守護更多嘅小朋友。
講真, 我就未見過「鬼」, 會係衝之前同大家講咁多衝入去嘅T&C , 會同大家做風險評估, 會叫有包袱嘅人走先唔好衝, 會叫未有心理準備嘅人唔好犧牲住。
真心, 如果仲有機會嘅話, 自己親身落去現場 感受一下, 都唔使走到去最前線, 我諗你已經會有不一樣嘅想法。走到入前線, 你會發現, 唔係你保護緊佢哋, 而係佢哋保護緊你。呢班年青人, 唔係你想像中嘅咁容易俾人操縱到。佢哋只係班好單純嘅年青人, 一班好驚你哋會離棄佢, 而會係每次包圍完後執返乾淨地下, 淋住雨舉牌同你道歉嘅年青人。
所以, 唔好再話佢哋係鬼, 好唔好?
我信有鬼, 但衝入去立法會嘅一定唔係鬼。你當我俾呢班年青人感動到, 情感勒索又好; 你當我係on9傻仔又好, 我點都相信呢班諗住同立法會共存亡嘅死士, 真係已經諗清諗楚, 要做出一啲可能你同我都唔同意又或者認為唔值得嘅犧牲。 而如果我係鬼嘅話, 我就一定唔敢帶頭衝, 因為Trigger咗呢班人嘅話, 個後果隨時控制唔到架。
就正如到今日我都覺得嗰堆帶頭遊行嘅所謂泛民議員一樣, 都一定有人係鬼。但有鬼, 你咪又係一樣會去遊行, 係唔係先?
#說好的BeWater呢?
你知我知係人都知，黑警擺個空城計放你入去立法會, 就係一個想分化你同我嘅局。
個個喺鍵盤面前打Be Water, 「不流血, 不受傷,不被捕」, 我同意。但同時唔好忘記「不譴責，不篤魁，不割𥱊」。Be water嘅真諦，唔係最後徹得走晒啲人，而係我哋可以好團結咁話俾暴力政權聽，我哋無論和理非咁遊行定勇武地去衝都好，我哋200萬＋3人都係團結一致嘅，隨時都可以用各自嘅方式捲土重來，嚇L死你。
