［ASML破頂］拿，話口未完，破埋頂，滿意未？只係呢度都貼過十次八次啦。我一路都持有，你要「止蝕」就你問題。
呢隻真係代表作，見工都有人問點發掘出嚟。答案：睇多啲嘢咯。而唔係睇垃圾。點識分邊啲好嘢邊啲垃圾？點解睇得咁快？點解睇完記得 — 呢啲咪幾十年嘅功力咯。你點抄？我自己打篇NetFlix快過你譯外電添呀。
TLDR：中一隻講幾廿年？Microsoft Nike Shopify 新高我都未講喎（雖然Shopify 牛我係早排摸頂買嘅，但你知唔知咩叫新高？新高即係乜位買你都贏錢）
＝＝＝＝＝＝＝＝＝＝＝＝＝＝
月頭訂最抵！2021比別人知得多。subscribe now（https://bityl.co/4Y0h）。Ivan Patreon，港美市場評點，專題號外，每日一圖，好文推介。每星期6篇，月費100，已經1800人訂！ 畀年費仲有85折，20/40年費VIP 送本人著作一本。
＝＝＝＝＝＝＝＝＝＝＝＝＝＝
1. 雖然同台積電真係唔係一樣業務（ASML係供應商添），但又真係見啲台仔只會講台積電，正如籃球就只會講林書豪（好恐怖，嗰時日日體育版都係佢，冇波打都係佢）。
2. 事實係，今年ASML升近不多50%。台積電升5%，跑輸大市。幫你查埋，你計1年，計5年，都係ASML股價跑贏，滿意未？
3. 而我查咗，我2019年5月開始講（你自己搵，有文為證）。睇wisenews呢，香港中文媒體2019 同 2020年，每年提過嘅次數，都係幾十次。仲要好多係重覆，一雞幾味，然後亦好多係譯外電，出業績呀，火燭呀，孟晚舟呀咁。真係有提過呢隻股票嘅，唔係冇，但十隻甚至五隻手指都數晒。
4. 升乜？好簡單，業務勁咯，有幾難明？你計營收（台灣佬最鍾意講，即係收入，生意額，revenue，top line），五年前ASML 生意係台積電四份一，舊年係三份一。你計純利，更加不得了，五年前ASML純利係台積電六份一都冇，而家係四份一。今年？更加拉得近咗。
5. 至於背後咩技術呀，就等啲砌機佬慢慢講啦（話時話，砌過光刻機未？）。但我買嘅係錢，間間公司一樣。我買大家樂股票又要落去炸次豬扒先？
6. 當然，台積電係間好偉大嘅公司（廢話，你估好似你啲網友咁，Facebook升到1萬億市值仲去質疑人地套嘢係咪咁好搵咩），不過都係講返，總有個價。同埋，眼界放遠啲。況且台積電人人講，唔使我講啦。
7. 但，今年都係跑輸大市喎，總有個價，呢啲咪好多人嘅盲點。今年Tesla跑輸晒啲舊車廠添。
8. 而台積電夠勁，我就搵咗間 收入 盈利 股價 都仲勁過佢嘅公司，係咪勁？
9. 呢隻ASML，我贏咗兩倍幾啦，唔係好多。安踏十幾倍添。但，在你心諗個個上網鳩威自吹自擂之前，咁梗係話你知，有啲升都唔升，甚至有幾隻跌到趴街添— 不過埋單，一隻升幾倍嘅，夠冚好多隻輸錢啦（咁，都唔會好多隻輸八九成嘅）。
10. 我當你今年年頭先睇我Patreon，都執四五成啦。但請勿誤會，唔係同你講跟我買就隻隻中 — 如果有咁好嘅，首先我應該發咗達，你估瑞士山區肺咩。同埋我應該收你幾皮嘢個月，而唔係一舊水個月。
11. 寫書寫文都多次講，你學嘅係心法，思考過程，同埋減少犯錯。
12. 我畀埋個list你都冇用的，唔係未畀過丫，但點解同樣都係睇嗰啲嘢，有啲人賺幾倍，有啲人仲要輸錢？
13. 遠嘅唔講，經濟一周個年頭推介（https://bityl.co/7y5V），唔係話好勁，但美股半年升21%，計埋港股都有17%，勁過唔少人啦。但，明明年頭貼埋出嚟啦，邊有話你照住抄就得架！你總會揀漏隻（多數都揀漏表現最好嗰啲），或者買完見即時跌10%又去止蝕，或者買完升兩成就沽咗佢。
＝＝＝＝＝＝＝＝＝＝＝＝＝＝
月頭訂最抵！2021比別人知得多。subscribe now（https://bityl.co/4Y0h）。Ivan Patreon，港美市場評點，專題號外，每日一圖，好文推介。每星期6篇，月費100，已經1800人訂！ 畀年費仲有85折，20/40年費VIP 送本人著作一本。
＝＝＝＝＝＝＝＝＝＝＝＝＝＝
記得畀個手指公 在 無題 的推薦與評價
Skip navigation. Search. Search. Search with your voice. Sign in. #記得畀個手指公讚好. All Shorts. Nothing to see here. Try searching 記得畀個手指公讚好. ... <看更多>