家住新界既好處就係要山有山，要水有水，要美食有美食，渡假感覺輕易Get👍好似今次去依間餐廳，可以 #親自揀鮮活海鮮🦐🦑🦞，仲有Live band演唱🎤，邊食邊聽歌，感覺好chill🥂, 有啲似去左泰國布吉既感覺🏖。
錦田的「#天空之城」大家可能比較陌生，其實距離元朗市中心只需15分鐘車程左右，唔算”吊腳” ，嗰度有好多特別既食店，今次我地去左 醉辣鮮，晚市主打 #蒸氣海鮮套餐，價位分別在於海鮮的種類和數量不同。今次我哋選既係$198海鮮餐，有鮑魚、日本元貝、生蠔等共14款食物。
餐廳門口有一排海缸放滿游水海鮮🦀，選定套餐就可以出去親手揀海鮮。如果揀龍蝦餐仲可以揀生猛龍蝦🦞，真係隻隻紮紮跳架; 店方仲大方送了一隻肉蟹比我哋，再揀埋元貝、鮑魚、生蠔、海蝦就可以交比店員處理。等海鮮期間先送上椰子雞湯和溏心蛋打打底先。
蒸爐上層蒸海鮮，下層加入米和配料慢火煮成粥底最後吃。套餐中唯一肉類是 #紅棗杞子蟲草花蒸雞，都幾嫩滑入味又有紅棗香甜，都幾好味。海鮮以貝類為主🐚，#日本元貝、#大連鮑魚、原條 #大蟶子 都光澤新鮮，自己加蒜蓉、粉絲等配料同調味先加蓋蒸，按照餐廳建議既烹煮時間，幾分鐘就有鮮甜海鮮食🤤。而 #肉蟹、 #生蠔 都預先處理好，食得方便。仲有 #海蝦 夠晒彈牙🦐，#蜆 份量都好多，夠蒸2次。海鮮只要新鮮就好味是常識吧，清蒸最食到原汁原味，加少少配料和醬油已經好鮮甜，好好味。另外有多款蔬菜無限refill🥦🌽，豐富又健康。飲品就係罐裝汽水或樽裝飲品，要另外收費，不包括喺套餐內既。食完海鮮仲有吸收晒海鮮精華既 #海鮮粥，不過我已經飽到食唔落啦，最後食埋桃膠糖水，真係滿足到捧住個肚走。
週末晚仲有Live band唱歌，以為唱啲老土歌？錯啦，佢哋會唱姜B架😍，夠晒update，慢慢食慢慢享受又有歌聽，夠晒氣氛🎉。
醉辣鮮
地址：元朗錦田高埔村110號天空之城地舖
訂座：6133 3882
交通：自駕、巴士64K/ 54/ 68E 高埔村落、專線小巴18號
#錦田天空之城 #蒸氣海鮮火鍋 #自揀海鮮 #LiveBand #元朗美食
要水有水 在 有水過水，冇水散水！ No Money No... | By Roast Duckking 的推薦與評價
冇水记 有水有水 ，冇水冇 水 ； 有水 過水，冇水散水！ No Money No Honey (Water) ! No Water ?! No Worries ! We will settle for you! ... <看更多>