梧：
國歌法加國安法夾攻之下，香港同香港人應該何去何從？
講左咁耐台灣股市，應該係時候講下香港。
相信大家今日都睇左唔少新聞，除左who let the dogs out (again) 之外就係國家隊南下托住港股。雖然只係短短幾日，不過其實都唔難估計呢個情況會持續一段時間。而家就即刻話港股「A股化」可能言之尚早，不過在下一直都認為其實所謂嘅滬港深港通本來就係有呢個function。
由在下十幾年前踏入財金界開始，都一直認為政治同經濟股市係分唔開的。可能係因為成日讀三國志同歷史，亦有可能見識過1997年亞洲金融風暴同2008年金融海嘯，個心會諗如果當初任一招同董建華政府做多D fiscal expansion嘅話香港應該唔會通縮咁多年；之後，一路讀Econ一路睇住啲政府點樣救市，根本就唔係「無形之手」，而全世界liberal咗咁耐，不難睇到未來嘅趨勢一定係大政府行先。對於一個（以前）經常返大六嘅人嚟講，大六中央政府嘅大政府思維更加明顯。
呢兩條足以摧毀一國兩制嘅法例對香港有咩影響在下無須多講，但係對投資市場有咩影響so far好似未有咩人具體講。最obvious嘅後果自然係南向資金開始主導市場嘅money flow啦，但係咁係咪代表外資會撤離香港？梗係唔係啦，就算Fuckin Coffee喺美國爆之前都好多人買係咪？在下認為而家呢啲短期嘅狀況唔會一直都咁樣，之不過因為大六錢多咗（以後只會更多），以後嘅投資策略肯定要變一變。
其實在下投資大六嘅strategy同當初投資台灣嘅strategy係同出一脈——講白啲就係炒經濟復甦。不過點樣巧妙地避開中美貿易戰係一個大課題，所以一定係揀內需市場，同埋要炒大興土木，因為呢類sector可以有效咁避開貿易戰。不過當在下研究完台股之後，發現台灣人做生意同大六人做生意嘅理念同方法真係好唔同，generally speaking台灣人做生意係穩健好多，所以台灣公司嘅負債（講緊net gearing wise）普遍偏低，呢個亦係在下主要選股條件之一。
咁喺香港上市嘅台資公司有幾多間？有，唔多，但係堅係match到在下嘅requirement，而且一啲都唔輸洩比同行嘅國企，剩返嘅就自己搵。當然，同行入面負債較低嘅公司都係在下嘅選擇。在下原本有相中咗一D港資公司，但係問題係兩條國X法會嚴重打擊信心，所以老實講在下暫時仲未睇得透，不過如果海外業務夠多嘅港資企業亦都喺在下嘅考慮之內。不過純香港業務嘅港資暫時就唔會考慮了，一來香港本身已經五勞七傷，二來呢一轉變化帶嚟嘅移民潮效應到底有幾hurt其實仲未反映到出嚟。
在下唔考慮香港做本土生意嘅公司嘅原因好簡單——呢四屆政府做咗啲咩出嚟已經好明顯，竟然可以為咗迎合北方個極權而犧牲香港本身嘅優勢，難道你仲會指望佢疫症之後可以有咩建樹振興經濟？根本呢班仆街都唔撚柒係做嘢嘅，當作為一個投資人對呢個政府無信心嘅時候點解仲要擺錢入去？大六難道又好好多？唔係，但係學黃子華當年話齋，就係7百萬人同14億人嘅分別囉。而家係咪要與虎謀皮？係呀，但係在下認為需要咁做係有原因的。
點解在下面對住呢個政治低氣壓仲要同大家講投資？因為以前在下只係單純認為投資係一個好似食飯痾屎咁樣嘅necessity，但係而家咁嘅環境下，投資唔單止係必需，亦係點樣儲存資本嘅一個動作。老實講，在下一啲都唔會怪想移民嘅香港人，但係反過來講，既然決定留低喺呢個本來屬於我地嘅地方，就要有反抗嘅資本。香港有嘅資本除咗係人就係錢，無錢嘅話點反抗某北方勢力？所以投資比以前變得更加重要，賺錢唔係為咗自肥，係要為左做啲嘢。在下唔知各位點諗，但係在下確實係咁諗。
講完，歡迎任屌唔嬲。
＃要反抗就要不襗手段
＃對手都已經nomercy難道我地仲要乖乖等死
