［文化］羅馬尼亞越多「斯古」越好波？
任你點講，大家都係留意美洲國家盃，或者U21歐國盃，甚至J League，多過女子足球世界盃。根本係咁推嘅嗰啲友自己都唔睇。
講返U21歐國盃（寫呢篇文時踢完頭兩輪），羅馬尼亞U21足球隊今屆表現相當不錯，頭兩場已入8球，兩場已經出線，擊敗嘅對手係克羅地亞同英格蘭。世界圍住佢轉嘅當然只留意英格蘭大敗，或者今日先發現原來一代名將，所謂嘅「東歐馬勒當拿」赫傑，個仔小赫傑，都入咗國家隊 。
（又其實赫傑係 Maradona of the Carpathians，因為保加利亞嘅史岱哲哥夫又同時係「東歐馬勒當拿」，嗰個年代個個都係乜乜馬勒當拿，正如高比拜仁又好Grant Hill 又好個個都係新米高佐敦，同時後來又有德國奧雲迪斯拿印度奧雲中國奧雲，而家就有德國美斯馬連同埋日本美斯）
小赫傑第一場入克羅地亞波後，呢場又對英格蘭入波（http://bit.ly/2Yd7ClS）。呢場波十分痴線，最後最後15分鐘入6球，英格蘭兩度追平。同場加映當然係大賽必備嘅英格蘭龍門派膠。
羅馬咁勁，梗係留意有乜人在陣啦。唔識好正常，羅馬尼亞U21咋，咪認到赫傑個仔。仲有個名普斯卡斯，不過同匈牙利球王無關。
但我留意嘅除咗係有條友姓Ivan （其實1964同1994代表隊都有，唔知係咪爺孫父子），但另外就留意到嘅就係……
做乜一件「斯古」 都冇？
正如韓國多金多朴，越南人人姓阮，波蘭多斯基（2012歐國盃揭幕戰波蘭對希臘，絶對係講波佬惡夢），冰島多臣俄羅斯多夫多娃，咁羅馬尼亞，出名多「斯古」。
我等老嘢，應該記得當年羅馬尼亞好多「斯古」，做乜而家冇晒？一件不留。留意係姓唔係名，冇理由同潮流與改乜有關，畢竟改姓嘅人好少。唔通多咗移民？但就咁望又唔多似。
另一理由可能係，根本當年都唔係咁多「斯古」。都有少少孟德拉效應，望返，老嘢如我睇赫傑嘅1990 或 1994，其實大半隊都唔係「斯古」。
只係咁啱，斯古嗰幾件又好似特別出名，又好似好波啲，又好似多啲出外。樸比斯古，盧比斯古，杜米迪斯古，彼特斯古，仲有教波嘅 艾奧丹尼斯古（佢踢波年代一樣名將，布加勒斯隊拎歐聯冠軍添，但再早啲了）。當然仲有冇踢波但鍾意睇波最後個頭畀人當波踢嘅，壽西斯古。
但又到另一問題，係咪叫「斯古」嘅家族好波啲？定有錢啲？做乜佢地特別出名特別外流？定只係咁啱啲姓＂聽落＂差不多先有咁錯覺？反正 赫傑 列度斯奧 摩度雲 伊利 等等一樣都外流，沒有「斯古」。
科學少少，數一次，我睇晒歷任咁多隊踢大賽嘅羅馬尼亞隊嘅名單，唔計教頭。係有偏差架啦，踢大賽又唔代表所有足球員，足球員又唔代表所有羅馬尼亞人（等於你諗下，德國隊中嘅黑人比例，肯定多過全國）。但舊文話齋
鳩up最簡單，最撚好廿蚊有靜岡蜜瓜你食。但我地落手落腳寫文或做研究嘅，永遠係簡單／準確／快手之間拎個平衡。
結果如下，唔係講笑，原來史前係真係冇乜「斯古」。係真係去到阿叔睇波年代先忽然暴升，果然係嗰幾個「斯古」好波啲。打後就冇乜「斯古」
有睇開波嘅你，見到個圖仲諗到乜？就係，根本呢個圖，同羅馬尼亞足球隊國運，係差不多嘅！一樣係8/90年代開始上力，去到2000年無以為繼。當然，其實都可以話，係因為嗰幾位「斯古」好波
下面呢張圖係國際足協排名，93年先有，反映唔到最初上力嗰浸，但反映到2000年冇力嗰浸
而信不信由你，見唔見到羅馬尼亞排名，由2010開始反彈？發生乜事？登登，睇返上面個圖，「斯古」在2008去到谷底，之後就反彈！完全一致呀喂！
（但，其實只係由0變到1，仲要只係因為艾奧丹尼斯古教波啫，踢嘅一樣一個「斯古」都冇，正如今屆U21都冇一個係「斯古」)
無論如何，而家人名真係少咗「斯古」，就似乎係真的。睇下有冇高人講到我知點解。係只係咁啱足球隊入面少咗（因為多咗移民？），定真係全國都少咗？似係前者。
睇多少少，根據維基，其實乜乜「斯古」仲係好常見嘅姓，但呢個調查都十年前咁滯。不過又搵到羅馬尼亞仔講嘅四十大姓，都仲有好多「斯古」（http://bit.ly/2Yg802E）
另外，一如所料，乜乜「斯古」，同斯拉夫嘅乜乜「斯基」乜乜「域」之類一樣，都係代表邊個邊個個仔。留意，十分重要，羅馬尼亞語係羅曼語系，唔係斯拉夫語，十分獨特，同意大利文法文葡文西班牙文同源（事實上東羅曼語系就死剩佢地）。
佢地十分自豪十分執著，至少我在羅尼尼亞啲友係咁講，佢地亦都唔認為自己係「巴爾幹人」，「巴爾幹人」係隔離班成日打交嘅生番。正如克羅地亞人都唔講自己係「巴爾幹人」，原因同上，但克羅地亞語都係斯拉夫語系
有關羅馬尼亞足球，仲可以睇下著名羅馬尼亞電影新浪潮導演 Corneliu Porumboiu嘅 「陸軍對警察：二次開波」 （The Second Game ）(http://bit.ly/2YgpzzC)。此人之前套 「布加勒斯特以東午後八分」12:08 East of Bucharest係電影節偽文青恩物。信我，呢套 「陸軍對警察：二次開波」 （The Second Game ）十分精彩，你想像唔到當年在電影節上，完場時觀眾嗰種無力感。
我都寫過篇影評，但信我，劇透咗就冇意思(http://bit.ly/2Y8RdyD)
西班牙文系排名 在 大學西班牙語系的選擇- 看板Espannol - 批踢踢實業坊 的推薦與評價
不知道這個問題有沒有人能回答^^"
我今年有考指考，目標是西班牙語系。
根據分數，沒意外的話我一類組所有校系都可以上^^|||
就我所知，國內有西語的就政大歐語、輔大、淡江、靜宜這幾所吧？
我不在乎學校名稱、錄取分數高低，我只希望能夠學得最好。
（我真的很想很想學西語orz）
我的問題是，就國內的西語系而言，
1.師資而言，哪個學校比較好？（輔大嗎？）
2.我希望能有交換學生的機會，哪個學校的資源比較豐富？
3.我預計研究所會出國念，念哪個學校可能會對出國比較有幫助？
目前想到這些問題，麻煩幫忙解惑，謝謝:)
--
滄浪之主者，山野一化外之民也。號滄浪御風人、洛水沉思客，世稱「故主」。性孤僻，
遺世獨立，不與俗接，惟徜徉書海，願能博覽群籍。特好古史、兵法，讀之百遍不倦。常
玩電腦、閱金經，以樂其志；弄絲竹、改古文，以抒其情。少有遠量，來日願為一史研者
、兵法家，並努力於著作《洛水沉思集》。謊言。
https://www.pixnet.net/Eltanin
--
※ 發信站: 批踢踢實業坊(ptt.cc)
◆ From: 218.164.76.6
... <看更多>