#讀者投稿0001
由於武漢肺炎呢個疫情，酒店嘅Buffet少咗好多人去光顧，本人所屬嘅酒店除咗員工每月放四日no pay 外，自助餐餐廳更加做半價，晚餐不用四百元已經可以食蒸龍蝦，燒鮑魚，從日本空運嘅魚生等等。我係一個餐廳經理😷，今天收到一封投訴信，內容精簡如下：
1.我啲朋友食過好食，所以我以非常有期望又book 位黎食，點知黎到食好能失望。
（😷：人地啱食姐，代唔代表一定符合您期望，人人口味都唔同。）
2.Buffet六點半開始，食咗一次魚生，食到一半時間大約八點左右已經無哂心儀再想食嘅魚生，之後就向師傅查詢，得知無就投訴。
（😷：其實一餐Buffet百幾人去食，唔係得你一個客架，有人不斷攞兩三次，每次攞三四份，咁師傅又唔通唔俾佢咩？佢都係打份工架咋。）
3.Buffet甜品section 無自己想食既item 。例如點解無即煎crepes,然後就投訴咁簡單都唔整。
（😷：要知道受疫情影響，好多酒店已經無請炒散，本身員工工作量已經大，仲要做半價。）
4.疫情個個員工戴口罩，我覺得佢地返工招呼我時唔多高興囉。
（😷：戴住口罩得對眼，你都知，莫非你識讀心術？其實佢地好忙姐。）
由心以發，其實餐飲業員工都係人，多多包容啦…
資料補充：個西客投訴完，有一個買一送一食Buffet優惠，吊…
___________________________________________
瑪莉🤡：係咪搞笑呀～差唔多成400蚊嘅Buffet竟然無得打包個廚返屋企用！真係過份呀！戴口罩就唔洗笑㗎！每一句你都要加句嘻嘻係尾先叫真心待客㗎嗎！嘻嘻🤭疫情下嘅客真係好可愛。大家好好保重*攬攬emoji*
