#今日山女 #幸運就是週末好天能上山
平日經常同我行山嘅朋友都知我好少行重複路線，但今日破例，因為早兩星期見到山友到大金鐘行山，影到昂坪草原的草長回來了，一片青蔥，真想親眼一睹佢嘅風采。
朝早搭車是灑了幾陣雨，正打算落車開遮時，竟然就停雨了，幸運。以為要蒸燒賣了(我是燒賣)，點知行起來仲有風，在林蔭下走得輕鬆，又見到唔少蜻蜓蝴蝶小昆蟲，開心！仲睇咗d生態av 😱
上到大金鐘，涼風陣陣，即使烈陽在頭頂曝曬也不覺得太熱，爽。望落去昂坪草原，真係多番好多草，呢種景色似乎只有喺秋冬行山旺季前才能見識得到，和友人不斷「嘩！好靚呀」之餘都影咗好多相，美景當前影極都唔厭。
但比兩星期前見到朋友影嘅相已經少咗啲草，多咗啲路痕，懷疑係越野單車所為，事關今日喺麥徑見到一行約十人嘅越野單車黨（相片 #5），而最近夏天真係少人行山，冇理由咁短時間草地相差咁遠？🥲 有山友都話見過幾次。此帶屬於郊野公園範圍，喺度玩越野單車已經違法，整爛條路之餘仲要危害到行山人士安全，我喺遠處聽到佢哋沿着麥徑落山時大喊差啲撞到人，真係自私又危險 🤯
今日條路雖然係熱門路線，但在依家炎夏天氣下都變得少人少垃圾，在山上小睡片刻，微風拂面，當堂成個人叉返晒電 💚
今日講得最多嘅應該係「真係好好天」、「好彩今日有上山」，能見度感覺超過50公里，高清程度相當高，每年應該冇幾多咁清嘅日子，真係太幸運了 🥰
#昂平 #昂平高原 #大金鐘
路線詳情： #山系手記 #香港100條行山路線 p174
郊野行樂，也請謹記郊野公園已移除所有垃圾桶，記得 #自己垃圾自己帶走，包括充滿細菌的口罩垃圾；#勿留火種；最好 #源頭減廢，#自己垃圾自己負責！每次行山多帶一個鉗個袋就可以一起 #一人一袋和你執 啦～ 切記勿破壞環境及生態，支持 #山野無痕！做個負責任嘅山友！
#當你享受大自然
#保育就成了責任
#源頭減廢
#自己垃圾自己負責
#無痕山野
#自己垃圾自己帶走
#香港山女
#mountaingirlhk
FB/IG/MeWe: mountaingirlhk
行人行單車徑 在 青山散步- 上次講，市民用實際行動回應單車徑設計 的推薦與評價
... 單車的都不太在意條例，加上又不是經常有人執法，故偏向就自己方便多些。 而行人行單車徑，不瞞你說，我都會，因為單車徑比行人路平坦，有時拖着買餸車，都真是喜歡 ... ... <看更多>