《#草根自家製 👨🏻🍳-大地魚肉碎蠔仔泡飯》
.
草根妹妹好鍾意食蠔仔泡飯🦪🍚，而家少咗出去食，咁就叫草爸係屋企煮啦！泡飯用咗大地魚乾做湯底，加埋草菇、肉碎、蝦乾、香芹、蔥同蒜，啖湯真係勁好飲，鮮甜又暖胃，真心推介大家試一試🥰!
.
材料：
🦪蠔仔 $20（半斤多啲）
🍄乾草菇 數隻
🐖瘦肉$20
🦐蝦乾4-6條
🌿香芹、蔥、蒜適量
🐟大地魚乾 半條
🍚飯 4碗
🧊水 適量
.
做法：
1. 開着爐頭直接用爐頭火烘乾大地魚兩邊，烘到有香味有少少燶就停火。用刀刮走燶咗嘅地方然後沖水，再切粒備用。
2.薑同紅蔥頭切絲、蒜切片，先落鑊爆香，再加切好嘅乾草菇、蝦乾同大地魚爆乾，然後落水（水量睇吓你想要有幾多湯），大火煲15分鐘迫d味出嚟，然後落鹽調味。
3.預先洗米煮好飯。
4.瘦肉剁碎，用湯浸開備用。
5.蠔仔預先用1匙鹽，2匙生粉洗一洗去潺，然後沖水，瀝乾備用。
6.係湯加入肉碎，2分鐘後落蠔仔，2分鐘後再落飯，輕輕整散佢，*一定要試味*，唔夠味先再落調味。
7.臨食時加入香芹粒、蔥花、芫荽，食得！
8.按口味加d胡椒粉更加正🧂😋。
.
Tips:
1.如果蠔仔唔想食咁熟，可以放喺湯到煮到5成熟就攞起佢，直至食先放番落啲飯到。
蠔仔泡飯 在 【開心廚房08】超惹味 蠔仔肉碎泡飯 - YouTube 的推薦與評價
本片關鍵字: # 蚝仔 肉碎 泡飯 #簡易食譜# 泡飯 湯底#家常菜式#空姐Annie #沈博士#食譜#煮食#甜品#生活#試食#旅遊#vlog #anniekwok128 #AnnieKwok #牛肉 ... ... <看更多>