🐟🐟 黎到釜山要做的事，緊係要食新鮮魚生啦！呢度既海鮮比起首爾仲平D tim嫁～🐟🐠食海鮮除左有出名既札嘎其市場，仲有一個地方，係釜山人經常去而又少遊客既地方！！
釜山人會推介你去廣安里，係呢度除左有好多海鮮市場外，重點是可以飽覽廣安海水浴場同廣安大橋。今次就跟釜山Oppa去「民樂漁民活魚直販場」，沿住海水浴場行過去只是5-8分鐘到，1樓係活魚市場中，係呢度可以買到各類海鮮。
我地格過價，間間鋪頭既價錢都係一樣既，如果你地都係2個人既話，就可以叫同我地一樣，買左5000won 海菠蘿、5000won 海腸、10000won 章魚🦑，另外仲買左條魚 🐡15000/1kg！雖然2個人一定食唔晒，但店鋪每種海鮮都有最低消費呢～ 另外買之前，店員會問你拎走定上樓食
因為海鮮市場樓上係餐廳黎，而當中有2種餐廳，一種係係1樓自行我購買海鮮後，去餐廳度食，會幫你處理海鮮同提供醬料同配菜，大概收10000won左右，而有D餐廳就直接有埋魚生賣～ 好似我地係外賣食， 係1樓就會幫我地處理好晒，仲有埋醬料，都幾pro下～韓國人食魚生要點韓式辣椒醬嫁，而生章魚就點麻油食！！
係「民樂漁民活魚直販場」出返黎，🚶🏻🚶向返廣安里方向行，有條小樓梯可以行入去堤壩，呢個秘密地方只有釜山人先知道，好多韓國人坐晒係度野餐，好地道呀，仲見到有人韓燒，好西利！！呢度個景真係超正，180度海景，黎釜山必做就係呢度睇日落，呢個位望到成條🌉 廣安大橋，入黑後仲有五彩十色既燈光🎆！！！
睇日落前，一定要去海水浴場對出成條街，全部都係一兩層高露天cafe，韓國夏天唔會好焗，加上又有海風吹埋黎，好似置身於外國一樣，好Relax好舒服嫁！！
民樂漁民活魚直販場 민락 어민 활어 직판장
부산 수영구 민락동
營業時間 : 09:00 ~ 02:00
♥ 想知道更多我們的韓國生活小分享♥
Follow IG : lizzzzzyw
菠蘿壩 野餐 在 【假日好去處】城門水塘| 易行靚景| 白千層| 大草地| 親子郊遊 的推薦與評價
城門水塘Shing Mun Reservoir 【香港郊遊】最美的白千層林｜香港行山｜城門水塘｜ 菠蘿壩 ｜白千層｜城門水塘簡單行山｜假日好去處｜行山VLOG. ... <看更多>