譯名呢樣嘢，要寫嘅話真係寫一萬字都講唔完；最經典嘅，莫過於當年明明用緊「禾絲妮雅琪」(Caroline Wozniacki)，之後被迫轉咗做「沃伊尼茨基」呢單嘢，我諗好多人都記得。
呢個沃伊尼茨基之亂，始於五、六年前嘅一場波。記得嗰場爆大冷，當時排世界第一嘅禾絲妮雅琪輸咗畀中國新秀王薔，個報道係我做嘅；報道播完第二日，收到一個觀眾嘅Email，詳細內容唔記得咗嘞，總之就係話個譯名唔準確之類。
收到意見之後，就畀人捉咗去開會檢討；最後負責決策嘅同事一槌定音：以後所有譯名，要跟足公司嗰幾本譯名字典。
吓？
有字典跟，表面上好似冇咁煩，問題係譯名字典由中國大陸出版社出，採用嘅音譯全部以普通話做標準。用普通話讀出嚟係好接近個外語發音嘅，一用廣東話讀就唔通；而家市面上的確冇比較齊全嘅廣東話音譯人名字典，但上網查下個外語發音，再用一個接近廣東話發音嘅譯法，其實唔難吖；極力爭取，奈何人微言輕，力爭不果，最後，沃伊尼茨基就橫空出世嘞。
我諗我大概明白負責決定嗰位仁兄嘅用意嘅。有書可循，譯名統一，就算有投訴都好解釋吖嘛；不過只求有根有據而唔考慮實際使用情況，呢啲唔係追求準確，呢啲，叫得過且過；翻譯，高深莫測，睇你主要用咩語言。大陸活動用普通話音譯當然正常，香港人就一定會用廣東話發音。件事過咗咁多年，當日贏咗禾絲妮雅琪嘅王薔唔再係新秀，已經成為中國女子網壇第一人，最近表現越嚟越好；嚟緊30/10-4/11仲會喺珠海橫琴國際網球中心出戰「橫琴人壽珠海超級精英賽2018」添！呢項係中國惟一一項超級精英賽，除咗佢，仲有大滿貫錦標得主、西班牙嘅梅古露莎(Garbine Muguruza)、德國嘅歌亞吉絲(Julia Goerges)同2017年美網女單亞軍姬絲(Madison Keys)；賽會已經公布咗球員名單，上述四位之外，俄羅斯嘅卡薩堅娜(Daria Kasatkina)、拉脫維亞嘅莎華絲度娜(Anastasija Sevastora)、白俄羅斯嘅莎芭蘭卡(Aryna Sabalenka)、比利時嘅梅坦絲(Elise Mertens)、法國球員嘉絲亞(Caroline Garcia)、澳洲嘅芭堤(Ashleigh Barty)同愛沙尼亞球手干達維亞(Anett Kontaveit)都會角逐；另一個中國球員張帥就會以外卡身份參賽。想近距離欣賞呢班世界級球手嘅演出，就立即上China Travel Service香港中國旅行社網站：👉🏻 http://ww1.ctshk.com/zh/wta2018/ 👈🏻買飛啦！
活動資料：http://www.wtaelitetrophy.com/html/ssgk/
