當開始計劃有小朋友之後，我覺得自己諗嘢嘅方式開始有啲唔同；所有嘢，都諗多咗一步。
例如之前搬屋。啱啱結婚嗰陣得兩條友，可能淨係諗間隔同夠唔夠方便，但到想生細路之後就會諗埋校網；
生活同飲食都會更加注意，因為想有健康嘅身體去睇住小怪獸s長大。咁講好似好誇張，但我真係連揸車同過馬路都小心咗；
擺模型同figure嘅展示架，以前想擺得有咁中間得咁中間、有咁阻埞得咁阻埞；而家要諗埋小朋友第時嘅生活空間，所以會將啲公仔放高啲。(其實主要驚畀佢哋打爛🤣)
諗多少少，做多少少，出發點其實都係希望為下一代著想，因為我哋想留一個更好嘅世界畀佢哋；生活環境，絕對係個世界好唔好嘅其中一項指標。全球暖化同水位上升呢啲問題越嚟越嚴重相信大家都知，炎熱天氣令澳洲山火一發不可收拾，就係一個警號；為下一代著想，減碳，係我哋要一齊負嘅責任。
攞香港嚟做例子。香港有過半數嘅碳排放係由建築物相關嘅活動產生；當諗下我哋一個咁細嘅地方有幾萬幢高樓大廈，你就知個問題可以有幾嚴重。不過喺十年前，香港綠色建築議會 Hong Kong Green Building Council成立，推動新起嘅樓加多啲綠色建築元素、舊樓進行較驗以減少能源消耗，甚至綠色社區規劃，不經不覺間，香港已經有千幾幢獲得 #綠建環評 嘅綠色建築物；就喺我經常出沒嘅波鞋街，呢個商場就係綠色建築嘞。佢利用自然通風設計，大玻璃窗仲可以打開令到內外空氣流通，冬天喺室內都可以享受到自然風；另外而家唔少學校校舍、體育館、郵輪碼頭甚至住宅都已經攞咗綠建環評，可以話梗有一座喺左近。
建築，要喺發展同環保之間取得平衡。不過除咗硬件之外，最重要都係我哋每人做多一步，培養環保嘅生活習慣，先可以發揮呢啲綠色建築設計嘅最大效益。為咗下一代，我哋一齊諗多步，做多步啦。
#香港綠色建築議會 #10周年 #HongKongGreenBuildingCouncil #hkgreenbuilding #BEAMPlus
自然通風設計 在 傳統通風球VS自然通風光導| 還在苦惱傳統通風球的漏水問題 ... 的推薦與評價
光大光學 通風 採光罩#光大光學節能光導照明燈#光導#太陽照明# 通風 #散熱#對流#排風... | By 光大光學自然光節能照明節能照明 通風設計 建築照明 設計 模擬| ... ... <看更多>