Search
自戀mode又啟動。。
見小小豬開壇拍片，好心叫佢換件靚少少嘅衫，點知有個小朋友話：唔洗啦，我覺得我啲衫好靚哦，簡單就是美嘛！(真係冇佢咁好氣.....唉)
話說小小豬一知有出新推出時，游說左Daddy好耐，終於批准俾佢用自己零用錢買。真係.......只有Lego Mario 先可以令孤寒豬打開錢甖豬仔去買嘢😂😂
買左都有大半個月，終於有時間慢慢拆嚟玩，咁又過左一個開心下午天。
白髮出現嘅速度好快㗎 😣 吓吓去Salon染邊有咁多時間吖，仲好傷荷包㖭。不過我唔會任由自己變殘嘅，最近見到幾個朋友用咗Liese Blaune泡泡染髮劑都染得好靚，我梗係又試吓啦。
我揀咗2R莓紅棕色，係最新出嘅紫紅色系，嚟緊新年啱晒。染完紅得嚟好自然，唔只髮色靚同均勻，仲有美顏效果😍 即時覺得膚色被映襯得白淨有光澤，原來紅色頭髮係可以顯得個人年輕啲、令人望落醒神啲、膚色仲白裡透紅、光澤到啲細胞好似吸飽咗十幾塊Mask嘅精華咁，唔搽粉底胭脂都一樣有紅潤好氣息！
Liese Blaune泡泡染髮劑亦比我想像中易用，兩樽染髮液溝埋之後，唧出泡泡搽勻頭髮，好似洗頭咁按摩幾吓就得，啲泡泡好澎湃，所以滲透得又快又均勻，等20分鐘做吓自己野，之後沖水就搞掂。捽完嘅泡泡會變得好挺身唔易滴，我用條毛巾圍住膊頭，20分鐘行嚟行去都只係弄污咗一小點，之後用清水一捽就洗番乾淨啦。
我仲襯埋紅色唇膏，係咪型咗又靚咗呢（Sorry~ 自戀mode啟動），唔講以為我又去咗Salon 染髮㖭呀～ 其實成個染髮過程連洗頭一個鐘都唔洗呀，邊個話繁忙媽媽冇扮靚嘅資格呀 😏趁住新年喜慶日子，染個頭髮就可以由頭到腳都大紅大紫，靚住咁去拜年，值吖！
#美顏染髮 #新年大紅大紫 #紫紅髮明亮肌 #提升肌膚亮度 #染髮都可以好似化妝咁有美顏效果 #LieseHK #LieseBlaune #泡泡染髮劑 #全新紫紅色系 #前後裡外髮色均勻 #泡沫配方簡便易染
你鍾意點講都好啦，我真係覺得自己呢個新頭型到痴線😎
唔該哂@greencheung
#自戀mode啟動
#人生
