上次係香港睇IMAX睇過amazing Spiderman，但印象係非常依稀，連使唔使帶眼鏡入場都唔記得😱😱😱日本上映外國電影慢人一拍就係人都知，遲香港成個月終於睇到新一輯嘅蜘蛛俠homecoming啦👏🏼👏🏼👏🏼
咩係mx4d體感位？就好似你去香港迪士尼樂園玩4D影院一樣，睇緊影片嘅時候有風吹、有水噴、有味道飄出來，依家仲會配合電影發出閃光同埋震添🤤小弟預計呢套大片坐mx4d應該會好過癮，全能嘅惠依子就忙裏偷閒幫小弟book咗一齊睇🙈🙈🙈撞啱有Toho會員優惠，今次只係需要¥2600（約hkd188）真係抵！
一直都唔想喺日本睇戲嘅原因係因為我怕追唔到字幕，再加上講英文如果遇正一啲專有名詞，咁就真係半桶水鬥半桶水啦🤦🏻♂️🤦🏻♂️🤦🏻♂️好彩今次睇蜘蛛俠對丫仁嚟講係有一定嘅英雄片知識，可惜我越睇就越忟💢💢💢唔係套片爛，係周不時有一啲打鬥位，張按摩椅配合動作就係我背脊狠狠地打落嚟，以為自己睇完套戲之後會脊椎移位。當遇正有巴士經過或者火災場面，個位就會滲咗陣黑椒味嘅味道，真係好鬼死臭😡😡睇到最緊張嘅海上拯救位，竟然向我塊面噴水😑原本我睇到好緊張好投入，但呢d小動作反而好礙事～仲話下次試睇神奇女俠，我估都係普普通通睇返2D算啦🤦🏻♂️
ps：蜘蛛俠由宅仔變咗咀gel gel，但點解個女主角咁醜樣～雖然MJ唔係MJ，劇情又同漫畫唔同，咪當期待下睇下新故仔囉！ironman太太太靚仔😍
