年初五。
早四日我就預告咗我份情人節禮物會遲到，今朝晨早流流就有人送貨到咗。我忍唔住問哈士彬，點解今次咁失策呀，然後我哋好認真咁研究咗陣。作為老婆嘅角度，我老公係無死角超級well planning嘅行動仔一名，我覺得佢會一早就預備好曬全部計劃，我哋連結婚都會有plan A-Z，上年疫情期間佢都一早book好餐廳食燭光晚餐，我估今年係婚後第一年，佢唔會咁失策掛～點知原來係我失策！喺老公嘅角度，佢話由年廿幾開始日日唔係返工就係去剪頭髮，而我又好神心咁去接剪頭髮嘅佢，年廿八又打掃，年廿九年卅晚要去兩家食年夜飯，年初一拜年，年初二留喺屋企，年初三好兄弟結婚，試問邊有時間買禮物呢？
重點係，佢講咗一句令我好慚愧嘅嘢：
你係我老婆，你應該係最理解我嘅人。
係我唔好🙈好啦，我其實知道曬你嘅時間表，但我當你神咁拜，男神點會有缺陷㗎！係我唔好，將你由男神嘅位置拉落嚟，成為我老公😭係我將你精彩繽紛嘅浪子生涯劃上句號，係我一手造成你連教都瞓唔到，係我呢個唔成大器嘅老婆令你日日沉迷喺盟友嘅戰場上，一日最衰都係我。
所以你打機啦。
我返出去掃地先。
#老公好偉大 #老公係盟主
#以後邊個阻我老公稱霸我咬佢呀
#咁先係好老婆嚟㗎嘛
#我出返去做掃地機械人啦
#你哋唔准鬧我老公呀
#大不敬呀 #男神嚟㗎以前
#注意返 #愛情真係盲㗎
張相影得出我對佢嘅愛❤️
Thx @lambibii ❤️😆
