［韋拿踢法似我］睇咗，冇乜特別。咁我當然係買咗返屋企睇啦，唔會去打人書釘咁咩嘅。細個仲打唔夠咩（細個唔係打誠品啦），而家有能力就唔好咁度縮了。50蚊，食個大家樂早餐都冇咗。
TLDR：介紹返，上星期我在Patreon寫嗰篇日本股仲全面。況且仲會一路繼續寫。點都抵睇。
＝＝＝＝＝＝＝＝＝＝＝＝＝＝
已經2000人訂！多謝大家！Two thousand people can't be wrong！（扯，幾百萬人冇訂添！）．下一個目標當然係攞你命3000！
＝＝＝＝＝＝＝＝＝＝＝＝＝＝
月頭訂最抵！一週年！比別人知得多。subscribe now（https://bityl.co/4Y0h）。Ivan Patreon，港美市場評點，專題號外，每日一圖，好文推介。每星期6篇，月費100． 畀年費仲有85折，20/40年費VIP 送本人著作一本。
1. 朋友話頭，你以為本人強項係金融，其實唔係。以為我強項係寫文，其實都唔係。本人係Information processor，又即係金融DJ，仲係市場降躁耳機。我可以幫你整合啲不同嘅東西，消化咗，屙返出嚟，等你易入口。同埋我會睇得到唔同事情嘅關係。仲有，我可以幫你過濾咗好多雜試 —在呢個時代呢樣先最重要。
2. 呢本東西，標題150台幣，香港誠品賣50港紙，算有良心（＊），雖然有冇良心我都係咁買架啦，星巴克幾蚊咖啡粉（有冇？）賣你幾十蚊添。表面望落算多嘢睇，但老老實實，同樣價錢，你買本「信報財經月刊」好過，下期有我。嘻。
3. 講返一樣嘢，我唔止一次提過，本人最憎台灣翻譯金融書嘅一樣嘢，並唔係啲用語（全世界就你一個咩，唔好咁中二病），而係啲推薦序。
4. 人地原本本書好地地，硬係要搵件乜柒投信或者乜柒外資嘅二打六，然後出嚟評點幾句。最Q好笑仲要係夾硬name dropping，個作者入面某一章提過嘅某條友，丫，佢嚟台灣時我同我上司同佢飲過茶呀。關我撚事？你唔見人地原本英文版有呢啲嘢？當然呢啲就係台式圍威喂啦，明嘅，但你見香港都冇呢啲咁嘅嘢。
5. 咁你話，你講嘅係翻譯書，呢本雜誌喎。但佢呢個封面故事，登登，就係譯日本雜誌嘅。雖然冇name dropping，嘩我去銀座Ginza Six食中村藤吉呀作者又去過呀（巧多日本大媽的）。但，我一見有個台灣人寫導讀，我即時已經諗，去到第幾段會出現「失落三十年」？果然第二段就有！
6. 個封面故事嘛，無甚特別。外資大買進？一早知啦，日日新聞紙都有報。至於1000億美金，聽落好多，但講緊由舊年開始喎。而日本股市，差不多一日300億美金成交（香港講緊大約200億美金）。
7. See？你唔量化，聽落1000億美金就好多，實情只係3日成交。當然，佢1000億美金呢個數肯定係低估嘅。
8. 仲有，最正嘅當然係，佢除咗譯日文雜誌外，當然要加埋自己嘅東西。之後仲整咗幾篇講基金，講日本樓。原因就你懂的。而佢譯日本雜誌嗰兩篇文，係冇叫你去買基金嘅，只係畀啲個股你。睇到分別冇？
9. 不過，就當然唔係一無是處嘅。首先佢講咗啲個股，雖然照計你睇我Patreon篇文好過。
10. 但佢提到一樣嘢，日本股市，大約有40%嘅股票係below book，即係 股價低過帳面值，Price to book 低過一倍。美股講緊只係7%，英國甚至唔夠1%。中國？原來都只係多過美國少少，但呢個數字係今年3月嘅。
11. 固然阿豬阿狗都識講價值陷阱，平嘅可以再平。But still．我Patreon嗰27隻日本股，都有唔少係相當殘的（但我亦唔只係揀殘嘅嘢），可以自己去睇下。
（＊）不吐不快，但照計你身邊梗有啲咁嘅人。例如你去旅行佢叫你幫佢買嘢，仲要拎個Google Finance 嘅價去同你計 啲 yen幾錢（佢真係當自己拎到Google Finance嘅價！）。甚至我見過有啲仲極品嘅，拎返個圖出嚟同你講，喂，唔係喎，你去嗰時一對六喎，做乜而家同我計一對七？唔係發生在身上，係我朋友嘅朋友怪罪佢。我話，佢心中肯定覺得仲係益咗你呀，你賺咗信用卡里數！
呢啲友，記住疏遠佢。幫人買過嘢就知，都係一件幾麻煩嘅事，但好多人真係當你「順路」，講到「你去開大阪會經過京都呀可？」咁滯。仲有唔好忘記，仲要時間幫你去搵，幫你排隊，仲要驚買錯畀你小。同埋仲有一個風險：件嘢有乜中途爛咗唔見咗，都係你自己負責的。真人真事，我嗰時去德國幫人買波衫，結果漏咗在火車。咁當然係我自己拎錢幫佢買過件啦，唔通同人講「你件波衫我買咗啦，不過漏低咗，盛惠八百蚊」？但其實我冇同我朋友講呢件事（唔知佢會唔會睇到呢個POST），我啲朋友都係比較好的，向來都係 我話幾錢就幾錢，唔會拎個匯率圖出嚟同我計。
記住，就算本雜誌原本200台幣誠品賣200港紙，我都覺得係冇問題的。因為你可以唔買的。
＝＝＝＝＝＝＝＝＝＝＝＝＝＝
已經2000人訂！多謝大家！Two thousand people can't be wrong！（扯，幾百萬人冇訂添！）．下一個目標當然係攞你命3000！
＝＝＝＝＝＝＝＝＝＝＝＝＝＝
月頭訂最抵！一週年！比別人知得多。subscribe now（https://bityl.co/4Y0h）。Ivan Patreon，港美市場評點，專題號外，每日一圖，好文推介。每星期6篇，月費100． 畀年費仲有85折，20/40年費VIP 送本人著作一本。
美國 財經雜誌推薦 在 Re: [心得]幾本美國財經雜誌的比較- 看板Foreign_Inv 的推薦與評價
這邊推薦一本與原PO所講類型比較不一樣的
Technical analysis of Stocks & Commodities月刊
如同雜誌標題 內容偏屬於技術面
講指標 型態 程式交易等等
涵蓋股票 指數期貨 原物料商品 選擇權...
可以看看國外traders與我們目前使用的技術分析有什麼相異之處
也可以參考他們的交易系統
之前在某些誠品店面櫃上有
好像在海外雜誌中不怎麼熱門
不曉得現在還有沒有得看 可能要多找幾間...
※ 引述《sbkchou (SBK)》之銘言：
: 之前在板上曾經詢問過大家有沒有推薦的美國財經雜誌，只有幾位大大推薦Barron's，
: 後來就沒有什麼回應。前一陣子利用 ipad 的kindle app 試讀了幾本，把心得跟大家
: 分享一下。
: Barron's：確實是跟股票最有相關，介紹基金、介紹股票、大盤解讀、CEO訪談、股市
: 債券、期貨行情表等等。感覺像是台灣的先探雜誌。每週一期。
: Bloomberg Bussinessweek：我覺得無論遣詞用字或是排版、圖片都是這幾本雜誌裡面
: 最活潑有趣的。比較像是台灣的商業週刊，除了講股票外，也會講海內外的
: 時事，不過介紹個股跟公司的篇幅就蠻少的。每週一期 (夭壽，來不及看)
: Forbes：類似上面那一本。不過新聞與時事偏重於財經方面，社會層面的新聞比較少。
: 兩週一期。
: Harvard Bussiness Review : 比較偏商業管理，像是MBA會讀的雜誌。比較像台灣的天
: 下雜誌，不過更偏管理，跟股票市場的關聯性低。每月一期。
: 不管是哪一本，他們的 "廣告" 看起來都好吸引人喔 @_@ 不曉得是不是因為ipad的螢幕
: 漂亮，每一幅廣告都好漂亮，讓人好想買....
--
※ 發信站: 批踢踢實業坊(ptt.cc)
◆ From: 123.51.219.89
... <看更多>