你做坐標（Coordinates）題目有冇「做完都唔知做過乜」嘅感覺？一遇到陌生題型束手無策？甚至每條題目都好似陌生咁？
.
其實坐標係好【暴力】嘅發明，專對付陌生情況，就係勁在唔清唔楚都可以死爆個答案出嚟，所以你有上一段嘅徵狀，係非常之弊傢伙，就好似學完跳繩竟然唔識跳咁。
.
唔使怪自己，怪就怪你老師，你老師根本無話過你知坐標系統嘅原理！睇完呢篇文，返學校問佢：「x乜嘢y呢？x你個y！」
.
想補救、想習得對付陌生題嘅暴力之道，就要先理解坐標嘅原理：（用神技用起上嚟都果斷啲，概念＆神技係相輔相承，why not both?）
.
😃思路起點：為乜發明坐標？
.
每樣嘢被發明都有目的，螺絲批發明嚟扭螺絲、筷子發明嚟夾餸、筆發明嚟寫低啲嘢，咁坐標呢？
.
答案：【定位】，作一個暗號記低心目中嘅位置，令其他識得呢個暗號嘅人，知道呢個位置喺邊。
.
用中國象棋舉個例，棋盤就係一個定位系統：車一進九，咩嚟？唔識解呢個暗號嘅人唔會知。
.
返返去中學嘅直角坐標（Rectangular Coordinates）俗稱xy坐標，亦都同樣：（3,4）咩嚟？你問一個小六學生，佢唔會知。不過中一學生就會知，因為佢已經學咗呢個暗號－－原來括住兩個數字，用逗號分隔開，係代表【一粒點】嘅定位，3代表打橫邊度，4代表打直邊度。
.
📣重點要講三次：
（乜,乜）係代表【一粒點】嘅定位！
（乜,乜）係代表【一粒點】嘅定位！
（乜,乜）係代表【一粒點】嘅定位！
.
就好似Google Map嘅一個地鐵站出口，係一粒點嚟，你講個經緯度（經度＆緯度就係x值y值）就可以將佢定位。咁……
.
如果我想幫一條馬路定位呢？即係一條線啊！賭Sir，【一條線】又可以點定位啊？
.
Sorry！我唔識！我淨係識幫【一粒點】定位😭不過……
.
不過⚠️我知道：「線」係由無限「點」組成嘅！
.
係機會啦飛雲！我只要識得將呢「無限粒點」做定位，就可以定咗條線！
.
（叫得飛雲出嚟咁緊湊，梗係賣一賣廣告，下回分解啦！）
.
多謝支持【數學外掛懶人包】嘅連載，話說杜氏數學YouTube Channel衝破埋4萬訂閱，真高興。我嘅理念係扶助年輕人花最短時間考好數學，跨過迂腐古舊嘅考試制度，留返更多時間發展人生，做自己真正中意做嘅事。若然你都支持我嘅理念，希望你多讚好、多分享，令更多嘅年輕人睇到，多謝！
經度緯度x y 在 WGS 84的XY與經緯度如何的轉換 - Mobile01 的推薦與評價
請問各位網友:WGS 84座標有(X,Y)與(經緯度)的兩種表示方法,請問有可以轉換的軟體,或是計算的公式嗎?例如:WGS 84 座標(X.Y) X：120.396480 Y：23.286620等於WGS 84 ... ... <看更多>