《專科與保險》
最近好長既時間，我近乎一邊耳仔聽唔到野。
事源係夏天當然係游水既季節，游完之後無耐發現隻耳發炎，好似有水係裡面咁，唔知你有冇試過呢種情況，感覺係好嘔心既，本來以為會好似平時咁好快就會乾同流出黎，但一個星期都無反應。
棉花棒又好，耳仔清潔劑又好，都解決唔到問題，最後被迫去睇專科……
上網搵完一輪，見到有個都幾多人推薦，仲要收費好合理，大約800蚊就可以，一打去預約，佢話成套野大約二千蚊，只收現金……我窮撚當然格下價先，問左幾間都係差唔多價錢，咁就唯有硬食啦。
過程好快，照完耳仔，訓低，用部機吸啊吸，然後，我聽返野了！醫生話要去化驗同埋呢樣個樣，最後收左我二千幾。
十五分鐘二千幾蚊，有一星期抗生素同止痛藥，仲有藥水。
吸完同食藥後係轉好，而我亦好勤力咁保護耳仔，我估唔到佢係咁貴，可惜三個月之後，無論我幾勤力清潔都好，佢都係再發炎了……
當我再一次感覺到佢塞左，我真係好崩潰，有朋友介紹我去睇另一個醫生，係街邊既診所，而唔係醫務商業大樓。
即時去排左一個鐘左右終於到我，過程係一樣，而醫生佢一邊吸我耳仔，細細聲咁爆左句粗……我無怪佢，睇黎我隻耳都唔係易搞，佢話有幾隻菌走唔甩，都清唔晒所有野，滴藥水睇下會唔會清到少少，下次再吸啦。
最後埋單，六百三十蚊……
因為剛剛清完耳，所以我都幾肯定無聽錯。
返屋企既途中，我回想返二千同六百既服務，係一樣專業，但一邊係二千，一邊係六百，個分別出係咩？
就係保險，上次張單我問左保險，可以claim到2000，所以佢收2000，網上睇既價錢係幾年前，但佢今時今日就係收2000
有病要睇醫生，要受專業既服務，打開門做生意，報晒價，明買明賣，好合理，連我同老婆講既時候，佢都話，其實好正常啦。
係好正常，係好合理，但我就係唔順氣，如果你問我，有錢搵，點解唔搵，我都可能係收2000蚊既人，但問題係，正常同合理係一回事，我唔去批評佢，但亦唔會去推薦，大把生意，咁好賺，都應該比下人賺啦。
如果你有呢個耳科既困擾，歡迎pm我，我可以分享呢位醫生既資料比大家
利申，同佢無任何利益衝突，關係以及其他合作，純粹真心推薦比大家，地點係旺角，收費六百左右
小小作者唔敢批評醫生既專業，亦無膽去講醫療保險既問題，我自己都有買，理念上從來都係有保障好。
講完，聽日我又去覆診喇
－－－－
支持作者：
除左買書支持外，我亦開始與不同品牌合作，我亦唔想影響文章，所以唔作置入式宣傳，只係文章最後加上連結，輸入PROMO CODE 【MAY50】購買產品三百元以上可以享有50元折扣，每購買一件產品亦會為我帶來少少分成收入
隨心，如果你地喜歡既，啱用既先買吧。
商戶列表（暫時得一個相熟朋友支持）花之滴香水，本地品牌推出過唔少令人深刻既味道
1）https://floroma.net/
2）希望會一直增加啦！
純粹真心推薦 在 #純粹真心推薦- Jelajah 的推薦與評價
explore #純粹真心推薦at Facebook. ... <看更多>