《你一定要知：科技股已經轉弱》
尋日同大家講左美債既孳息上升對科技同高增長股係利淡，我唸唔重複喇，未睇既自己去睇返。今日我想同大家探討既係另一個問題：到底香港上市既科技股有幾大鑊？我之所以開呢個題，完全係因為今日個市大跌，港股既科技股雪上加霜，以致好多既粉絲都爭住黎問：幾錢溝呀？我心唸：沽都黎唔切啦！仲溝？！
與其逐隻股去講，我不如俾大家睇下科指個圖。睇完之後，我想大家確確切切咁認知到一個事實，一個你可能唔願意接受，又或者因為你心存盼望，所以憑空想像，從而根本無正視過既一個客觀現況，就係：#科技股真係跑輸左個市。換句話講，#科技股跌得深過個市，#科技股係弱勢既板塊！我成日教大家：買股要揀強！
點睇到佢弱？恆指今日失守左1月25號既前頂30159，核突，不過未稱得上死晒。死晒既話，要跌穿M字型雙頂既頸線28283先至可以確定。咁你可能會話：哦，咁未死得晒，仲有1400點或4.8%既距離先至到！但係科指唔係呀，科指既前頂10206（如圖）其實唔係今日破，係22號即係今個星期一返黎已經破左。
至於「絕不能失守」既雙頂頸線9358，sorry呀，無4.8%距離呀，因為今日收9360，所以只係得兩點距離咋！係兩點呀！即係打個尿震就會無埋！顯而易見，而且非常客觀：科技股跑輸／跌得多過恆指，多過傳統舊經濟。呢個實情，你不得不認。因此，就算你認為個市未全死，你都唔應該去撈呢個客觀轉弱既板塊！
依家你知道出事喇，咁有咩補救既方法？第一、你唔好再唸住溝；第二、未買既唔好買。咁買左既點算呢？真係唔捨得止渦，好傷渦咁可以點？南方東英發行既XI二南方恆科（7552）幫到你！做法係用佢黎對沖自己既正股（唔係靠佢黎發達）一旦科指跌穿9358收市既話做淡，目標係11月9號既8394（8.97%水位），回頭升穿今日既開市位9931（6.12%水位）既話止淡。
以上既冧把同價位你袋住先啦，做唔做隨得你喇，總之我內堂自農曆新年之前至今，以及短期既將來都唔會配置科技股。順帶一提丫：如果你手上有科技股，仲要係契媽果兩隻移卡（9923）眾安（6060）既話就小心少少喇！因為你地呢幾隻野先排直頭係非理性瘋漲到一個極不合理既天空估值水平，因此我係極懷疑後市就算個市升，你都幾難返返上高位，總之就執生係啦～
🙈
@南方東英資產管理 CSOP @csopassetmanagement
#做淡 #恆生科指 #南方東英 #反向兩倍 #ETF
科技股係弱勢既板塊 在 香港股評人譚朗蔚- 1月21至25日一週市況討論區| Facebook 的推薦與評價
目前好友唯一既奢望係跌市成交減少，但我強調既係價量背馳唔代表唔係真跌。 ... 借勢夾一夾，但你留意返果d並唔係賺大錢既遊戲黎，無論如何，反正我無預騰訊係弱勢股。 ... <看更多>