【927反思】其實一年前講過一次，而家重覆。當晚佔中三子終於肯宣佈佔領中環開始，完成歷史任務，有部份年青人因為不滿「活動被騎劫」而離開（呢個亦可以話係之後雨革一連串「騎劫批判潮」之始），長毛生怕一個難得的群眾運動就咁就散，所以跪求大家唔好離開
作為當時離開嘅一份子，其實我想同毛哥講一句「唔駛擔心，聽日Ｄ人一定會番黎」，但其實我更加想講嘅係，呢次嘅運動，經已同佢過往參與過、主催過嘅完全唔同
第一，果陣參與嘅人已FEEL倒，今次唔再係過往「行完就算」嘅行動，而係大家都有共識想用更激進方式去爭取、改變一D野。其實927當晚已有好多人嘗試封馬路，不停響馬路行來行去，而警察又竟然只係敢隻眼開隻眼閉，不過都係淆底差最後一步
第二，大家都明白，運動唔再係果D社運鬥士先能夠參與嘅專利，要犧牲哂自己嘅人生先能夠投入其中。大家捱唔倒夜，咪訓一晚聽日再黎，要番工，咪放工之後再黎，總之你有一個地方比我聚人，就會出黎支援，並沒存在離開就不再回來嘅情況
第三，我地響另一邊測試警方底線嘅時候，其實係完全唔撚知大台果邊發生乜事，所謂大台嘅「指示」其實無人聽倒亦無人想理，總之當時邊度聚人，人潮就湧去邊邊，一直到第二日有人衝出馬路，學聯三子宣佈撤出金鐘仍然有人同警察鬥落去；再去到銅鑼灣、旺角自發佔領，完全係指揮部癱瘓之下嘅自發行動，亦因為咁，當班糾察若無其事出現嘅時候，班群眾先會咁躁
點解長毛不停話自己對運動好失望，因為無論整個運動過程，定之後嘅發展，都超越左佢想像
社運鬥士 在 “非藍非綠” 台灣最火左翼｜社會運動鬥士鄭村棋｜觸極者The Re 的推薦與評價
社會運動 ，在台灣的民主進程裡，至關重大。 觸極者非常榮幸，再次為您邀請到長期投身於此的鄭村棋老師。老師闡述了他的理念，以及一路走來的點點滴滴 ... ... <看更多>