回顧返2019年，對我嚟講最嚴峻嘅project竟然係---辦公室日報月曆。
當時個月曆係好想聖誕前寄到畀讀者，其實左手拎起，右手就寄，本身係一件好容易嘅事，點知當中發生咗啲小枝節，就係無意中發現有一份月曆甩咗幾頁出嚟，原來係印刷公司方面冇將月曆個圈圈撳實。
讀者個個都好好，紛紛留言話唔緊要，可以自己撳返實，仲強調係好小事，不過我唔覺得係小事，試想像下買咗部車，所有零件冇爛，只係未裝嵌好，散住咁畀你喎！點會係小事呢？只係讀者厚道咋！
然後我同同事就裙拉褲甩，逐個月曆拆袋出嚟檢查，因為有啲圈圈嘅駁位捲咗去入面，唔逐個拆開係睇唔到，其中一箱來貨時係60個月曆，60個都開晒口，當時真心崩潰，好似人生冇晒希望咁，喂大佬已經好趕，乜仲搞啲咁嘅嘢呀！
讀者嘅體諒同埋打氣說話係巨大推動力，另外我個男同事義不容辭都令我深深感動，因為佢直情拎埋衫褲去我屋企瞓，我哋通宵做QC同埋包裝，突然間覺得自己做老細好唔稱職，竟然要個員工一日做十幾個鐘，唯一可以提供嘅就係貢獻張床出嚟，我瞓梳化。
包月曆嘅時間總係過得特別快，7點起身包包包check check check，第一次望鐘已經係夜晚7點，我哋嗰幾日講得最多嘅對白就係：「吓，啲時間過得咁快嘅？」係呀，咁又一個對角，但為咗爭取時間，我哋仍然會繼續做到夜晚11點，因為凌晨時份唔想有封箱膠紙聲嘈到人，夜深就轉去做QC同埋入地址。
好幾晚我都話：「你不如返自己屋企啦，休息下先，聽日瞓醒再嚟，換下Con都要啦！」
同事：「唔怕，我有戴Con嚟，費事第二朝又走嚟走去咁麻煩。」
見到呢個post係靚仔林德信做博士倫Biotrue® 1-DAY全新代言人，你一定會話：「廣告你講乜都得㗎啦！」但係我想講，嗰段時間一日做十幾個鐘係真㗎！ 我同事用博士倫隻Con都係真㗎！戴足16個鐘都係真㗎！如果要作，我寧願作呢位同事係女仔，而唔係一個麻甩仔，因為咁樣會比較有幻想，我都寫開心啲同埋甜啲......我指甜蜜啲。
要做好一件工作，實在有太多嘢要配合喇，好同事、好客、好產品，仲有好嘅配套，全部都不可或缺，就算你冇我同事咁命苦，香港地返工連OT連應酬，一日出咗去十幾個鐘絕對唔係乜嘢稀奇嘅事，要帶Con又唔想對眼咁攰，有專利Surface Active Technology™嘅博士倫Biotrue® 1-DAY一定幫到你，佢可以令鏡片16小時鎖水接近100%，真正做到長效保濕效果，唔眼乾雙眼無咁易攰，仲有UV Block，阻擋有害紫外光線，咁當然啦，搵一份好工同埋搵一個好老闆，始終都係最重要既。
Reference Link : http://bit.ly/2tCMR8s
#直踩16個鐘好彩戴啱Con #博士倫Biotrue1DAY #真保濕 #16小時鎖水
