關於 監獄風雲3黑獄 ，我們在網路上蒐集到這些相關的討論、資訊與評價

《監獄幻想》

那時，收到通知後，總幻想著監獄裡面是不是有位［力王］正在闖關...，又或者是監獄風雲一般，囚犯們義氣相挺？

在邊跑邊送明信片的路上，我見到了一位讀者，他的職業跌破了我的眼鏡...

我曾遇見過販賣軍火-毒品-老師-慈善家-官僚-外送先生和律師等等，共同點就是那是一群喜歡看我日記的讀者們

《柳人，歡迎你來斗六，對了你那個案件處理的怎麼樣了》
《如果明信片好好的賣，這個牢就能順利躲避掉》
《那很可惜》

我腦子想著，可惜？怎麼會可惜？我有點不知道這四個字的含義，我可是絞盡腦汁的四處奔波賣明信片。

讀者馬上接下下一句話提到

《不是那個意思，我是說，我在台中監獄上班，如果你萬一進來了，我還能稍微照顧你一下》

有一句話是這麼說的：（老爹關上一扇窗，也會為你開起另一扇窗）

老爹...我們來聊聊好嗎，雖然我的讀者也有律師，只是我請不起昂貴的律師費用，祢是不是知道我請不起才讓我與這名讀者見面，讓我好有個照應？

《對了...監獄裡面什麼大概有哪些人？》
《喔，無期徒刑的強姦犯》
《...》

原來我的腦子太過純潔...以為只是樊少皇力王情節，結果是梁朝偉的黑獄斷腸歌之砌生豬肉...，老爹...祢開的這扇窗是否口味重了些...？

Ps:需要明信片的讀者可以私訊給我地址

公司附近有間馬會，有次經過嗰陣見到一對父子，個小朋友大約5至6歲，拎住支樽裝飲品唔夠力打開個蓋，然後佢遞畀爸爸幫手，點知換嚟一句好惡嘅:「點呀你！等陣先啦！」我望一望個爸爸部手機，原來篤緊網買馬。

買條過關真係重要過你個仔口渴想飲水？

又有一次見到個媽媽拖住個女，但係個阿媽一路行一路食煙，啲風搞到個女食晒二手煙，仲要食到應一應。

食煙係個人自由，但非要啲小朋友陪你一齊食咩？

好多人話養個小朋友要用幾百萬，其實關鍵唔係錢，而係你準備好做人老豆老母未？

生小朋友唔係射篤精一時衝動。

最近嘅虐童案新聞睇到好心噏，有時睇咗標題都唔想click入去，怕會牽動情緒，我淨係喺度諗，啲電影《女子監獄》、《監獄風雲》、《黑獄斷腸歌》係咪真？如果係，希望呢對泯滅人性嘅父母好快會喺獄中受到特別對待，記得要畀佢哋每分每秒喺惶恐同埋痛苦中度過。

《同囚》影評
「一獄即世界」—全控機構的奇觀
（含劇透，慎讀，支持香港本土電影！）
—
　　監獄題材是香港電影的其中一面皇牌，最出名的莫過於就是《監獄風雲》系列，其中尤以第一集發哥於片末飛咬飾演食屎狗的張耀揚耳仔的情節最為人津津樂道。而監獄電影的類型可以是多樣化的，例如動作類，成龍的《火燒島》，可以是劇情片，如《至尊三十六計之偷天換日》，亦可以是奇情的，例如林雪的《力王》。
－
而近年來亦有不少有關監獄的電影，例如由網絡小說改篇的《壹獄壹世界》，就以一個富家子的角度講痛改前非的故事，而戲中多著墨於倉內的朋黨鬥爭；或有張家輝的《旺角監獄》，則講更生人士的生活，以監獄喻旺角，離開了牢獄，卻走進了更大更複雜的監倉。
—
　　而監獄題材之所以不朽，原因大抵只有二字—「神秘」。倉內的人想走出來，倉外的人卻想走進去一窺奧秘，監獄這地方只有傳言而永無事實。而香港以往的監獄電影，焦點多在於監獄之內囚犯與囚犯之間之紛爭或合作（例如《黑獄斷腸歌之無期徒刑》，卻鮮有對監獄自身設定作深刻之描寫，而姑且論《同囚》是否佳作，今次電影人可謂向觀眾坦坦白白地呈現了一次「監獄奇觀」。
—
全控機構：
—
　　在社會科學的學術範疇上，監獄為正式的「全控機構」，是糾正偏差行為的社會控制角色，簡單D講，即係幫助犯人改過自新，「再社會化」嘅場所（社會並未能使犯人做「正常」的行為，所以要做RESOCIALIZATION，乜野都重新學過。）
—
社會控制的不同面向：
—
　　我記得自己曾經去過懲教部門的最後面試，個面試官問我，「嗱，呢家有個犯岩岩入冊，企係你面前，你點管佢？」臨場表現我的確答得唔好，但番屋企再諗過之後的確就對呢條問題有更深嘅諗法。事實上，電影就向觀眾呈現了控制犯人的不同面向，而呢種控制係由外而內就到番外的。
—
　　首先，就係外表，入勞教所嘅青年人，一定要剪頭髮剷平頭裝，唔可以有任何個人形象，將每個人嘅獨特性都標準化，每個人可以代表自己嘅，就係佢地嘅牢犯老NUM（數字）；其次就係語言，監獄入面有自己獨特嘅術語，一個月會叫「一隻」，三個月會叫「三隻」，如此類推，辛苦會叫做「巴」，總之就係外人無法理解嘅一些詞語；跟住就係行為，所有行為都係堅守次序同規則，例如由A點去B點，唔可以行，而要操過去，食飯都要跟次序去食（食完汁先到飯點食？），沖涼同你數秒數，叫你停就停，而最好笑，亦係最悲涼嘅係，游學修受左成日先可以同岑珈其自介到，連講野都無基本嘅自由；跟住就係心態，所有囚犯都要懷住「出得黎行，預左要還」嘅心態去坐，凡事感恩，THANKYOU SIR唔該同學，千錯萬錯都係自己錯，就算比人打，都係自己做得未夠好。
—
　　而所有「控制」嘅基礎就係懲罰，你可以唔聽話，但就要成班人陪你做四式掌上壓，得你唔洗做，睇住其他「同囚」幫你受，或者自己食「雞翼」同「芥蘭」，你唔驚，就打到你驚，除非你唔驚比人打死。總之，監獄就係要你摒棄個人，崇尚絕對「集體主義」嘅地方，你做錯事，有反應嘅往往係其他人，一齊幫你”SORRY SIR”。
—
一獄即世界
—
　　係電影入面，勞教所即係地獄，而外面嘅世界就係天堂，可以聲色犬馬，但現實又係咪真係咁呢？係沙咀勞教所，每個犯人犯嘅事，背景都不盡相同，例如星仔好似係偷唇膏？有人係衰盜竊，有人係風化，而游學修就係衰襲警。而當每個人都係有住唔同問題嘅時候，點解「全控機構」可以用一式一樣嘅方法去控制每一個人，然後倒模出一式一樣嘅個體？雖然犯人的確有錯犯了事，理應受到懲罰，但每位在囚人士都係獨特的，並唔應該用劃一嘅方法去處理，甚至有D人係驚打，講耶穌無用，我反而亦會贊成用某程度嘅體罰。而我諗呢個就係每個懲教機構都面對住嘅問題，亦引伸出關楚耀同老鬼和MO有關「懲」同「教」嘅論辯。
—
　　咁我地唔係在囚人士或者更生人士，《同囚》電影又對我地有乜啟示？「一獄即世界」，用番《旺角監獄》嘅概念，我地其實又係唔係身處緊係一個更大嘅監獄而不自知呢？集體主義、倒模、控制外表、思想、語言、行為，或者好多人講嘅路西法效應，其實係社會之中就好常見。
—
　　不同之處在於社會控制住我地嘅係利益同生存條件，而唔係懲罰：你唔想讀大學？你無用！你點搵食？；好啦你肯讀大學啦，但畢業之後想做自己想做嘅野，而唔係入政府或者入商界？你對唔對得住你父母啊？或者你對唔對得住你讀左咁耐嘅書啊？其實，社會嘅制肘同監獄一樣，都好似係無處不在，你想係香港畫畫或者玩運動？有LIKE嘅，有人欣賞嘅，當你玩到贏到世界賽冠軍嘅時候。
—
　　咁講好似好灰，咁監獄嘅出口又係邊呢？戲中嘅答案就係愛，可以係親情，亦可以係愛情，甚至係友情。為左祖母，游生可以用兩隻幾嘅時間破紀錄出監，但現實係好殘酷架，離開左沙咀，出到去比人杯葛幾下，比人歧視幾下，根本無人當你係正常人，再比人誘惑幾下，就可能好似游學修咁再上車開片架喇，輕輕鬆鬆賺十幾粒。咁我地又可以做乜？不如好似趙詠瑤咁吖，盡力想盡辦法幫最愛嘅另一半，無言支持包容體諒，盡力幫佢行番正路，出事果陣做對方最強嘅後盾，有危險嘅時候就自己都上埋車都唔願比對方犧牲，人地一定會感受到你對佢嘅支持，如是自由，如是離開監獄，因為你有一個唔需要你跟從社會標準，點都支持自己嘅人。
—
《同囚》
（趙永洪演技令人刮目相看，洗乜留係TVB吖？另一個監獄而已，出去拍戲就有另一片天！郭奕芯角色出場時間雖少，但亦討好！）
同囚
游學修 Neo Yau
趙詠瑤 Kimi Chiu
KaKi Sham 岑珈其
郭奕芯 Ashina
趙永洪 Raymond Chiu
Bravos Pictures 巴福斯影業
Movie Express電影速遞