【#鐵柱磨成針之幼稚園求位分享】
求位信之重要
#留言索取求位信Sample
#私藏絕密小小心得分享
黎到九月，又係報名考K1同PN的季節。
上年細B紅豆考K嘅時候出師不利，又加上坐唔定，收到幼稚園offer的數目寥寥可數(當中有我幾喜歡的靈糧堂，但紅豆爸話學校係happy school，唔俾讀)，媽媽我受到好大打擊。
講真，無心儀幼稚園offer，你話唔care就假嘅，當連收到幾間幼稚園都話係waiting時，我已經麻木左。 安慰自己，同自己講好彩紅豆係9月細B (但又唔係算好細)下年可以有take two的機會再考。
雖然全部waiting都係名校幼稚園，但無收到reject letter已經當贏 (我心態很好) 因為係waiting letter即代表小朋友仲有機會，最後我鎖定左2間九龍塘超心儀熱門S頭同老牌K頭幼稚園，開始寫求位信。 由上年放成績寫到今年6月，其中K幼稚園終於call waiting call中我啦，但要紅豆再一次面試，仲要係好弱的zoom interview。 面試完，K校主任話如果有後補位都可能會係8月或9月通知。之後眼見同期zoom in的後補小朋友係8月頭都有offer，我地等到8月尾都杳無音訊，個心再次死死地，之後抱住唔寫唔寫都寫左好幾封求位信去學校，就係8月尾再寫埋最後一封，再無消息就疊埋心水呢年再考過啦。
喂，點知我上個星期(9月10日)收到K校打黎通知我話有位俾我，問我要唔要，媽咪~我得左啦~ 仲洗問嘅, 我係咁話要呀要呀……等左你地電話好耐啦!!!!!收線個刻成個人仲好激動，抱起紅豆狂轉圈圈，我諗紅豆個刻會以為阿媽傻左。
你問我，係未我寫的求位信寫得好好，我會答你「未必係」，但校長見到嘅係我一直以來的誠意同堅持，所以今次仲唔係真實版「鐵柱磨成針」。好吧，當入左學校K1群組後，透過其他後補學位的媽媽分享，我又發現原來求位都仲有其他玩法，真係一山還有一山高。
依家都將我知道的求位方法分享俾有緣人(哈哈哈…)。 索取1️⃣求位信Sample 或 2️⃣求位信Sample + 求位小技巧，索取方法都有唔同:
1️⃣ #索取求位信Sample
1）like我的page
2) like & share呢個post
3）留言「索取求位信Sample」及tag 2位你想分享的朋友仔
4）紅豆媽會統一於9月23日至9月24日內pm你
2️⃣ #索取求位信Sample + #求位小技巧
1）like我的page
2) like & share呢個post
3）留言「索取求位信Sample + 求位小技巧」
4) follow ig:
🔍https://instagram.com/lincole_happy
🔍https://instagram.com/catie_tungtung
或 將我page set做搶先看，cap圖inbox我
4）紅豆媽會統一於9月21日至9月22日內pm你
利申：以上分享只屬紅豆媽個人意見及觀點，並不代表任何人立場。不喜勿插。
留言索取求位信sample 在 #留言索取求位信sample - अन्वेषण गर्नुहोस् | Facebook 的推薦與評價
2020 सेप्टेम्बर 13 ·. 【#鐵柱磨成針之幼稚園求位分享】. 求位信之重要. #留言索取求位信Sample · #私藏絕密小小心得分享… थप हेर्नुहोस्. ... <看更多>