(#生酮糭) 2021端午節食左4間唔同既生酮糭，我個人覺得個好食既排名係：HingKee＞Biancaa ＞ 家嫂 ＞ 加餸。
．．．．．
1. HingKee：雖然4間之中最細隻係佢，最貴都係佢，但佢用料真係4間入面最靚，而且味道最好最夠味，冬菇、鹹蛋王、豬腩肉、瑤柱樣樣又大又好味！食完真心想食多一隻！
-
2. Biancaa：係最後執雞先買到JA! 佢同HingKee好唔同，佢味道係清但唔係唔夠味喎，係同HingKee兩個Style，各有各好味。佢足料同埋真係好多瑤柱，啖啖椰菜花飯都有瑤柱送真係好正！推介比冇咁重口味既朋友呀。
-
3. 家嫂：多謝家嫂請我食糭呀！4隻之間，我最鍾意家嫂既椰菜花飯，因為佢有特別調左味！好啱我呢d鐘意濃味既人！同埋佢裡面有一舊豬軟骨，幾有驚喜！
-
4. 加餸：相比起上面3間，加餸既用料同味道都顯得比較普通，但佢係4間之中份量最多既一間，有成400g，同埋佢係最黏身既，就算攞去煎都唔會變型變得好勁。
