《不需改進 只需執笠》
大家有冇諗過，如果有朝一日打開電視，忽然間冇咗翡翠明珠台有乜嘢感覺？
其實，感覺就會好似而家打開電視冇atv一樣。
TVB大股東公開批評自己嘅公司，當然係去到忍無可忍嘅地步，但係冰封九呎，非一日之寒，如果當年唔係「一男子」扼殺咗相對有活力有創意嘅王維基電視台，無線有咗競爭，反而可能冇咁快死。
我最後一次批評無線劇集係《溏心風暴3》，鬧到無線編劇體無完膚，咁樣不思進取炒冷飯都仲可以叫做編劇，咁我應該攞諾貝爾文學獎。
如果要我畀分（底分100），無線嘅綜藝娛樂節目係0分，唔係買餸煮飯，就係低級趣味獎門人無限loop…… 而家連轉播奧斯卡都停埋，就好似女人停經，你仲希望佢孕育新生命？
無線新聞，嚴格嚟講好壞參半，我畀50分（我曾經讚過星期日檔案有一輯劉曉波生平非常詳盡，舊年現場直播都偶有佳作），當然根據現時情況繼續落去，下次評分可能淨返十分八分。
無線劇集 -50分（唔係減50分，係負50分），我唔明白無線編劇點解咁厚面皮，成日寫啲炒冷飯嘅故仔仲好意思收人工，如果話公司唔畀新嘗試新創作，咁作為創作人就應該另謀高就。
搞創作就好似夜總會，唔同人必須有唔同賣點，有啲賣純情（綠茶婊*）、 有啲賣學識（咖啡婊）， 無線恃住自己係大台淨係賣大波，又冇樣貌又冇內涵，Dorin睇得多係人都厭啦。
所以我建議無線大老闆，唔好再諗乜嘢救亡， 直頭執咗佢，冇眼屎乾淨盲。
（*網上有高手將綠茶婊改成農夫山泉婊，腦筋咁刁鑽連我都要講句佩服）
王維基電視台 在 香港電視（01137）主席王維基的創業人生在驚濤駭浪中不斷轉型 的推薦與評價
王維基 為城市電訊申請免費電視牌照，並於2011年向當時的兩家免費電視台香港無線電視（TVB）和香港亞洲電視（ATV）大舉挖角，曾聯絡多位藝人。 2012年，王維基正式為城市電 ... ... <看更多>