多謝聯昌皮號
大家用各自方式把香港精神傳承下去❤️❤️
【#風車草劇團 #聯昌皮號 #革新工房】
💁🏽♀️小編J 良久無打文章，今次其實好掙扎要打書面語 還是 口語
但因為《回憶的香港》係講昔日香港，所以小編J 我決定打口語，表達可以再強烈啲！
對於舞台劇什少接觸嘅我，有好多刻板印象，例如：演員係一定係舞台上閃閃發光、音樂係預設係特定場景、舞台一定要係舞台（好似講緊廢話，我意思係一定要同觀眾保持距離）
但今次一睇，就已經係「高汁素」中嘅最高汁啦！點解咁講？因為小編J嘅同行死黨話，舞台劇頂尖卡士都已經雲集當中！
睇完之後，我更加相信不疑，又點解咁講呢？有幾方面我真係要表達晒出嚟！
1.）先唔好講舞台劇嘅演出，佢哋係準備整個舞台劇，係足足花咗兩年時間去籌備！咩話！？兩年？你聽錯咋！
真心係2年！2 YEARS，👶🏻仔都生到2件👶🏻，大嗰個2歲𠻹啦😂😂
欣賞每位台前幕後人員係每家每戶去拍門到訪，蒐集資料，整理。再要去重整當中有咩台詞對白，足以極具挑戰性！
2.）好啦，到真係入戲玉！成套舞台劇我咪話自己有印象定型嘅。佢哋徹底顛覆我概念！無錯！係「徹徹底底」地徹底打破！！
首先，🏗🎠場景佈置設計師嘅偉敏👏🏾👏🏾，已經嚇你一跳，佢個場地係兒時公園沙地，仲有個唔知點搭出嚟嘅馬騮架！仲要係實到四個演員擒晒上去，同揈黎揈去都完全無問題！（啲沙係唔知點運黎同應該有幾公頃😂）我當下心中OS,係Wow!!!
2.）燈光設計師子欣，助理設計師蔚心 同助理們躍詩 同 景欣，燈光控制 子健 💡
一嚟 VO講烏絲燈泡嘅美好有感覺，另外係懸涶嘅所有燈光都簡潔美麗，小編J 對於燈光嘅運用其實都好講究，猶其影相、舞台更為顯著，增加視覺效果 同 訊息，嗰刻，係燃點咗好多仍然係黑暗中，尋找緊自己內心深處嘅光，嘅「香港人」！好開心我感受到🙏🏾
3.）音樂總監 Mike Orange，音響設計 詠杰，音響控制 新康
又有一段VO 話錄製音帶以前係一take無得補，有美中不足，但呢種缺憾美好似亦不復再。係一個新時代只可以俾一眾人去憑弔。
另外，我真係好喜歡Mike Orange嘅Instrumental Music! 猶其開場無耐，播緊香港由英國統治，到經濟起飛嗰段片嘅，嗰首音樂，聽到「耳高潮」👂🏽
開始我以為係set好咗嘅音帶，個頭pan過我左手邊，見到係Live! 直播，又要Wahhhhh!!!心諗有無再癲啲？
P.S. Mike Orange個 「Universe Traveller」令小編J 亦好感興趣！
4.）點知真係有再癲啲！撞佢個衰鬼😂
終於講到壓軸出場嘅 演員班底！美君、駿業、祖堯 加 秀慧！👩🏻🧑🏻👨🏻+👩🏻🦰
如果DSE係有戲劇科，咁佢哋絕對係拎5**嗰班friends嚟😂😂 係一等一反應快，talk得又唱得，身手敏捷，表情又到位。
更重要內心戲唔單止係「戲」係「氣」，氣場散發住最真摯情感，流露住佢哋透過採訪後，得返嚟嘅資料。點解會入戲，所謂「入形入格」，係因為每位戲員，對身邊嘅人感受性係特別強，荐摸到位唔係只有憑空想像，係聽完，睇完，反思過，而去拿捏，唔會過火，恰到好處！
除咗演戲部分，有演住戲同觀眾互動玩遊戲，四位𢴇生能力又係特強！🤘🏾😎 真心永無悶場！有喜、有感傷
最鍾意幾段，聽電話 ☎️、粵劇🎭、整遮☔️等等
去到尾，有一環感受分享，佢哋四位都表達自己兒時對香港嘅感覺，衣、食、住、行，大家嘅分享都好精彩，深水埗一家八口同醫館、香港仔愛心臘味飯 同 肥仔、屯門型棍單車隊 定期出巡、尖沙咀報紙檔 加樓下阿差！😂
但今次，捫心自問，我對秀外慧中嘅秀慧講嘅嘢最有印象，唔知係「劇情需要」定係點😂😂佢話 每個地方都有自己嘅一個氣味，♥️樹木花草，都係四季變化當中，出現不同氣味♥️ 好有認同
「世界上唯一不變嘅係 世界每刻都萬變」係小編J 係人生現階段嘅一啲人生觀
佢哋係完結前，不斷問緊在場每一位「你哋有無試過....」呢啲係令一啲未醒覺嘅香港朋友去知道，香港人呢個身份 有好多嘢需要我哋去反思，去改進，去傳承！
聯昌皮號代表嘅 工匠精神，係工藝師嘅精雕細琢，時間洗禮。唔係單單一件商品，係一件無形嘅歷史詩歌 以及係一位 說書人！
❤️🧡💛💚💙💜🖤💖
小編J 先要多謝以上一眾 聲、畫、戲、燈光、場地嘅朋友。小編J 亦知道幕後仲有一大班團隊我係未能逐一去感謝，無論場務人員，幕後人員，平面設計，實習生等等。特別要多謝一直與我聯絡嘅 Shandi 同 Bell，無你地幫手接洽，小編唔會認識到咁多咁優秀嘅💫「希望之光、未來之光」🌟
❤️🧡💛💚💙💜🖤💖
整個團隊緊扣，一環接一環令我覺得，劇團成功，係全靠大家對戲目持有 同一強烈理念！具現化地令佢示現我哋眼簾
知道演出已經剛剛完結，但佢哋所有人嘅能量，小編已經深深感受到，亦令所有觀眾得到唔單止一份回憶，仲有對香港，重燃希望嘅種子思想！
往後會繼續支持 同 密切留意佢哋嘅更新資訊
P.S. 我唔係Stalker🤦🏽♀️ 唔好誤會 （此地無銀）😂
共勉之💪🏾💪🏾 @ Artistree
玉成公園歷史 在 [心得] 噴水鯨魚溜滑梯珊瑚水道戲水區玉成公園 - Mo PTT 鄉公所 的推薦與評價
玉成公園 是台北第一座有親水主題遊具的市區公園，戲水區有定時噴水的拱門 ... 已有200年歷史玉成公園福德宮內有恭奉土地公、媽祖娘娘和虎爺玉成公園福 ... ... <看更多>