其實我濕疹最嚴重的時候，真係乜嘢都買來試。（我有睇中醫同西醫的）噴左覺得基本上係冇用.....
我覺得病到痴咗線的時候真係會買來試。不過智慧返嚟就覺得自己好戇居。
而家剩返嗰啲就用嚟噴下狗仔個背囊⋯⋯🤣🤣🤣
《直線抽擊偽科學系列》唔好俾佢停！繼續分析AQ萬用水
無論從AQ的Facebook專業、網頁和在我專頁留言的回覆，我們不難發現他們的定位是「滅菌99.9%」。
然後這枝產品的定位是萬用水，能夠一枝解決多個問題。
文科生決定把這些聲稱的功效以病源去分類，好讓大家能夠分析到底他們萬用水的mechanism同不同疾病的pathophysiology到底吻不吻合
———————————————————
由病毒感染引起的
1. 傷風咳
2. 手足口（病）
3. 喉嚨發炎
由自體免疫系統或敏感引起的
1. 鼻敏（感）
2. 濕疹
3. 牛皮癬
4. 紅斑狼瘡
5. 敏感
6. 蚊患痕癢
由真菌感染引起的
1. 真菌腳患
2. 灰甲
3. 婦科炎症
由細菌感染引起的
1. 暗瘡
2. 頭瘡
3. 喉嚨發炎
4. 婦科炎症
至於日用品和水果我實在不知道他想表達什麼，讀者們不如我們一起集思廣益，發揮我們的小宇宙。
——————————————————-
從以上分類，我們發現原來AQ萬用水竟然可以同步殺病毒、殺真菌、殺細菌、控制免疫系統、穩定敏感反應。
這實在是太驚人的消息，醫學界一直以來都要用大量不同類別的藥物去控制不同的疾病，但這枝AQ水卻輕輕鬆鬆處理了需要好幾個專科和家庭科醫生處理的問題。
我們不再需要靠風濕及免疫科醫生處理牛皮癬和紅斑狼瘡
我們不再需要家庭科醫生處理傷風咳、鼻敏感、喉嚨發炎、真菌感染等等
我們不再需要免疫科醫生處理嚴重過敏問題
我們不再需要牙醫處理牙痛問題
我們不再需要婦科醫生處理婦科炎症
利害了我的國，竟然發明了一枝如此多功能的萬用水，仲要只賣百幾蚊，實在係良心發現益街坊價。下個德蘭修女仲唔係你？發明AQ水的香港人勇奪諾貝爾醫學獎不是夢！
醫管局不再需要擔心醫療系統爆煲，只需大手買入大量AQ水，每暗病房和診症室都放幾枝，實行一日一噴噴，醫生遠離我。任你再多的新移民和明日大嶼都無有怕，就連祖國醫生最愛的點滴治百病都無出場的機會。
————————————————————
Oh please, 你唔好再吹大d?
你從頭到尾都好consistent只係殺菌（仲要只係殺到環境的菌，而不是感染了人類的細菌）
Introduction to microbiology告訴我們，真菌、細菌和病毒是風馬牛不相及的致病源，無論是致病性、所導致的疾病、疾病的呈現方式和治療都是南轅北轍的。
以下為point form highlights
1. 除非你跟我說你枝水同時含有以下成份：抗生素、抗病毒藥、抗真菌藥、消炎止痛藥、免疫抑制劑、類固醇、、止咳藥、抗敏藥、抗風濕藥，否則你無可能可以「解決」這麼多個問題。
2. 如果你同時含有以上咁多種藥，大概病人噴一噴便會因副作用而肝腎衰竭。的確，死了就什麼問題也解決了。
3. 紅斑狼瘡是自體免疫疾病的疾病，可以影響關節、皮膚、血管和腎臟。你係打算點樣噴樣水可以噴到落個腎同血管裡面？你打算topical absorption多到可以有systemic effect?
4. 真菌和病毒唔係細菌、真菌和病毒唔係細菌、真菌和病毒唔係細菌，請你跟我讀三次。你殺99.9%細菌都係唔會殺到真菌和病毒
5. 婦科炎症即係咩炎症？我當你pelvic inflammatory disease，咁你知唔知成因係咩？你係打算叫大家歡樂時光時噴一噴殺菌（阻人xoxo要燒🤭）定係叫女士們噴入去佢地私處，來個直搗皇龍的清泉？
6. 其實點解要解決水果？水果做錯咗d咩？
* 水果有益健康又可以避免便秘和降低腸道疾病的風險啊
———————————————
今日講住咁多先，各位爸媽記住要好好分析市面上的產品，別讓無良商人exploit你們愛子之心。大家辛苦賺來的錢都是想讓子女過更好的生活，但到最後卻係無良商人過更好的生活，合理嗎？
* 如果有其他產品想我分析可以連同資料inbox我、我有時間會睇:)
