【 #含少少劇透 #BL不是童話故事啊 愛在末路之境 = 窮鼠只會夢到芝士 】
腐女朋友話，沉迷BL，係為咗「純愛」。
係咩？明明BL漫畫嘅床上戲，比更多少年漫畫「service畫面」更激進喎……我登大眼問佢，佢聽完只係嘴角向上翹咗一下，冇正面回應。 🤨
係咪所有BL故事，都要好似《 #大叔的愛 》或者《 #如果30歲還是處男似乎就能成為魔法師 》嘅大團圓結局先work先？不如嚟睇下《 #愛在末路之境 》可以有幾狗血。電影由BL漫畫改編，原作者係《 #失戀朱古力職人 》嘅 #水城雪可奈，睇過日劇《失戀朱古力職人》嘅你應該都get到，佢筆下嘅故事一定係「 #貴圈真亂 」，冇四角戀（或以上）絕對唔收科。故事講經常身痕出軌嘅男主角 #大伴恭一（ #大倉忠義 ），被中學同學而家陣做緊私家偵探嘅 #今之瀨涉 （ #成田凌 ）捉到痛腳。大伴唔想老婆知道，只能乖乖聽今之瀨嘅話，俾佢逐步生擒。今之瀨對住由中學暗戀到而家嘅前輩，固然用盡心機拗攣佢，慾望行先嘅大伴，又真係俾可愛後輩推倒……可惜大伴只係一隻鼠輩禽獸，邊度有芝士，就黐埋去其他女性度。呢段一齊嗰陣好幸福，見唔到面又好痛苦嘅關係，今之瀨最後到底會點揀呢？
導演係《 #世界中心呼喚愛 》嘅 #行定勳。唔知你有冇留意，行定勳出道做導演前，一直係 #岩井俊二 嘅御用副導。《 #情書 》、《 #燕尾蝶 》、《 #四月物語 》都有佢份。電影構圖同講故事風格都係靚到震浪漫到暈。假如你喜歡岩井式文藝片，或者好似我個腐女friend咁，口講純愛，身體卻很誠實，睇完應該會好滿足。大倉忠義同成田凌超級好戲，大倉忠義演賤男夠晒衰，成田凌楚楚可憐成隻濕身小狗咁亦極其討好。作為非BL粉的我，睇佢哋日常打情罵俏互相性騷擾，只覺温馨有共鳴，床戲部分冇因為男男而覺得違和，聲些覺得，呢點好可能正正係導演嘅用心：無論 男 X 女 抑或 男 X 男，有情深者固然就有人渣。唔駛再神化BL了，男男嘅世界，其實同樣猙獰肉慾又虐心。
響戲院呢兩個鐘頭，同小狗一齊感受各種幸福與悲愴，作為觀眾嘅聲些，很是享受。（阿腐女friend可能會睇得更爽吧？🤷🏻♀️）身處香港嘅我哋，今日唔知聽日事，戲院到底幾時忽然唔開（大吉利是！）真係好難講。有興趣嘅同學，都係趁早入場好啲，唔係好似主角咁，以為小狗會一世等自己，就後悔莫及了。
各位睇咗嘅同學，不妨留言討論哦。
（有腐女同學也不妨教精聲些🙈）
※ 鳴謝 Neofilms 新映影片 邀請。
➖➖➖➖➖➖➖➖
👉 追蹤 #PEGGY先生 👉
#ペギー先生 #peggysenseid #フォロー宜しく🙋🏻♀️
🔵 F B 🟤 I G 🔴 YouTube 🟠 MeWe：peggysensei
🎧 Clubhouse日本話題節目不定期放送：peggysensei
➖➖➖➖➖➖➖➖
