Day 69 (8月19日) 愛沙尼亞🇪🇪•塔林
| 出海芬蘭灣 |
落緊雨，於是見近近地，去咗 hostel 職員提議嘅 aegna 小島度 hea 遊，順便感受吓喺芬蘭灣出海嘅感覺 (感覺似中環搭船去長洲吧)。可惜天氣差，結果太大浪關係暈船浪，落船又好凍 (呢邊一落雨就跌十度)，只想搵地方唞，已經有啲想走......
呢個小島唔算好熱門，遊客同居住嘅人都唔多，但係最近塔林嘅小島。而且都幾荒蕪，只有一間外賣小食店，聽講除咗森林，仲有蘇聯當年嘅建設 (依家已變廢墟)。搵唔到英文地圖，就睇吓我有無緣搵到 (最後都搵到好幾個，地圖上有條路係帶你去搵，但如果有簡介就好了)！
喺香港行慣咗鋪到好好嘅行山徑，但歐洲嘅行山/郊遊徑都係好原始嘅路 (睇片)，有時仲會遇到連根拔起嘅大樹，甚至要郁手郁腳爬過佢哋，開始覺得喺香港生活，其實都幾受保護。間唔中會遇到採菇嘅人，或幾個遊客，但好多時都得我一個人行。
後尾下午雨過天晴，天氣超好底下見到靚景嗰刻真係 Wow 一聲，而且仲要一。個。人。都。無！我可以盡情咁影🤡👉🏻👈🏻
搭船返去時試吓坐船上露天位置，但過程竟係滑浪飛船咁驚險。有好幾位外國人都出嚟感受海風同浪，咁大浪之下都無人選擇離開，我都坐到半個人濕咗😑...
#獨菇遊
#又係沈默片
#無咩背景音樂揀
#但首音樂幾襯我一開始心情😂
無咩背景音樂揀 在 【在家工作】五個高質背景音樂youtube channel 投入工作無難 ... 的推薦與評價
在家工作嘅自己友，大多數都有聽住音樂辦公嘅習慣，不過識揀歌嚟聽對自己工作都有好大幫助㗎！今日小編就推薦幾個高質youtube channel 比大家，聽住嚟 ... ... <看更多>